بديت بإسم اللي فرض خمس الأوقات
الباسـط الـواحـد عزيزالجـلالـي
ياخالق(ن) خلقك ومحيـي للأمـوات
علام سرالغيـب مرسـي الجبالـي
الشافي المنشـي مجيـب الدعـوات
وحـدك إلهـي كاشف(ن)سرحالـي
يافـارج(ن) هـم الصدورالغليقـات
إليـك وحـدك ياحسيـن الكمالـي
أشكي عليك الحال والدمـع زافـات
يالله أجرني من عـذاب(ن) جرالـي
مظنون عينـي زينـة الدارهيهـات
يـاد م قلبـي رأس مالـي حلالـي
الدمع من عيني علـى كـل حـزات
الياطـرى فالبـال علم(ن)يقـالـي
أضمهـا وأحـس للمـوت زفـرات
وأصد بدموعي عـن اللـي حكالـي
ثنتين ماغابن عـن البـال ساعـات
لعـل عمـري عقبهـا بالـزوالـي
يردن سبع سنيـن ظميـأ محيمـات
والجم عـن ورده قصـر بالحبالـي
وأقفى عزاه(ن) بالضمايربحسـرات
ودفع الثمـن للعمـر فـأول وتالـي
ودعتهـن مـوادع الـذات للـذات
سود السنين اللـي تقافـن بأمالـي
أدفـع ثمـن غلطـة تقاليدعـادات
أجمـل سنيـن العمر..والعمرغالـي
عزي لقلب(ن)شاف بالوقت نكبـات
شاف وشرب كأس المهونـه زلالـي
شاف التعاسـه والعنـاء والمـذلات
ويصعب على فكره جواب السوالـي
من لاعتـه دنيـاه مثلـي بلوعـات
يصبـر علـى لوعاتهـا بحتمالـي
صكتني الدنيـاء وذقـت المـرارات
وشربت من كأس المـراره حثالـي
عانيت ثـم قاسيـت مـره ومـرات
وعجزت لأقوى الوقت وأنـا لحالـي
أجسام من جـور الليالـي نحيـلات
مـدري حـرام العمـر ولاحلالـي
وختامـهـا يالله رب الـسـمـوات
ياعالم(ن)عـن سرغيـب الليـالـي
عدل زمان(ن)شفت فيـه التعاسـات
يامنشـي سحـب المطربالخيـالـي
وصلاة ربي عد مـزن(ن) مخيـلات
علي النبي اللـي مشـى بالعدالـي