يســرني بأن اكــون مــن المشــاركين بهذا المنتــدى الجميــل ...
واليــكم هــذه القصيــده المتواضــعه .... واتمنــى ان تنــال على الشــيء القليل مــن اعجابـــكـم ....
انا احمد الله يـوم مانـي بمقـرود=ولانـي بغشاشـا" ولانـي بنـمـام
ولاني على درب السرابيت محـدود=مثل الذي ينقـاد ياسعـود بخطـام
ولاني من اللي حكيهم مالـه حـدود=سوالفا" مـا شفتهـا لـو بالفـلام
ولاني من اللي في المصاعيب مفقود=لا والله الا للمصاعـيـب مـقـدام
انا تراني من هل الطيـب والجـود=ماخذ صفات البدو ذربيـن وحشـام
لي مجلسا" تلقى به الطيب والعـود=ودلال رسلانا" صناعة هـل الشـام
ولاهوب في وجه المناعير مسـدود=مشرعا" بابـه علـى مـر الايـام
يحرم علي صكه ولاهـوب مـردود=ما دمت فوق الارض عايش ومادام
ومادام جسمي ما تحاولتـه الـدود=ماقد طرى صكـه وحتـى بالحـلام
تلقى بـه آلآجـواد طلابـة الـزود=الكـل منهـم للمعالـي مسـك زام
ولا الردي من بينهم غير موجـود=ودك محله في وسط شبك الاغنـام
هذا بفضل الله ومن تربيـة عـود=يالله عسى يومه مديـات الاعـوام
ياسعود جاك العلم وصلـه ياسعـود=قل للخبل قولـي ولاهـوب منـلام
احكى العرب واجـد ولامنهـم فـود=لو تغلـق فميهـم يخطـون باقـلام
الغيهبـان يقـال ماهـوب معـدود=لاشـك لرقـاب الرياجيـل لـطـام