يا موت ما عينت غير ابو ضيدان=زعيم يام اللي عليهم فقيدة
عينه ورانا من خطا كل عدوان=شيخ نفاخر به ينزح ضديده
الله يبيحك يا سلايل كحيلان=في جنة الفردوس روحك شهيده
مرحوم يا مقدم موسعة الأطعان=ليته بقا معنا سنين عديده
ينام في ظله شباب و شيبان=و يشيل حمل ما يشيله كنيده
يخشا و يرجا عند زوغات الأذهان=و كم واحد منه تبطل حديده
يشهد على ما أقول ولد ابن هضبان=فعله يعد من السجايا الحميدة
((في ما مضى لاقيل في الأرض عجمان=كلن من الذلة تراعد وريده))
أقولها في لابة فعلهم بان=ترقا سنود في الليالي النكيدة
((هم سيفنا الصاطي على كل فتان=و حنا لهم درع حلاقه جديده))
و هذا و صلينا على نسل عدنان=عداد ما طاف الحرم من عبيده
الله يرحم الشيخ راكان ابن حثلين عز الله إنه فقيدة..
و الله يرحم سعود ابن نوطان و يسكنه الجنة..
أشكرك اخي مسعطر على النقل..
تحياتي..