البركان الثائر :
من قبل ذكر العلـوم=أبي لي شاعر يقـوم
يشتري وألا يسـوم=والّذهب غير النحاس
منتداكم يـا عـرب=به نحاس وبه ذهب
يا عرب ويش السبب=يغشي العين النعاس
بندر ابن خضير العجمي :
مرحبا ضمن السلوم=ياللي تشن الهجـوم
والمعطى ماهو حروم=لأياتي فيها التمـاس
الكل يبغـاا طـرب=لكن صـارت نِشـب
حياتك فيها العجـب=والعز عقب انتكاس
البركان الثائر :
دام البقاء يا الوزير=وعلي العوايد تصير
والله خيره كثير=وايدين خلقه يباس
بين الرجال الكرام=اللعب ماهو حرام
في حرب وألا سلام=والبحر صعب(ن)يقاس
بندر ابن خضير العجمي :
الـوزاره همـهـا=بالمعـزه نضمهـا
دون منهـو خمهـا=لاتزود في الحساس
لادخلنـا الملعـبـه=كل بحر(ن) نشربه
عانها بـواد تربـه=والبيت يبنى بأساس
البركان الثائر :
أشرب من الماء القراح=ولا تكثّر في الصيـاح
في مساء وألا صبـاح=ذوق منّه ربـع كـاس
كـان ودّك تستفـيـد=هاك ذا العلـم الجديـد
وأنت رجال (ن)رشيـد=كل جسم ولـه لبـاس
الله الله
وصح لسانكم على المحاوره الجزله
وين الصفوف يالربع 