[النـادر]

مشاركة احاول ان اعانق بها انفسكم الراقيه وهي من آخر ماكتبت

اتمنى ان تروق لكم رواد المجالس

يا معين...الحال من عقبه كسوف=وذيب غبرات الليالي قد عوا
صاحب ٍ والله ما عنه مخلوووف=من تفارقنا وانا حالي ذوا
لو..!! تردّ الونه اشكال الحتوف=كان صوت الآه يسمع له دواا
بس !! لاجريتها فرحوا الضعوف=ناس تكره شوفت ثنينه سوا
ياعسى حظي تعداه الصدوف=وياعسى حظه تفلق له نواا
والله اني لو تمنيت الالوف=كان ساق الشر فالدرب التوا
بس رصيت المشاعر له صفوف=وقادها قلب ٍ وهو رتبة لوا
لين طوعها على حب الانوف=واستوا غرس المعزّه وارتوا
وارفعو عرش المحبه للسقوف=ثم دعا قدره على العرش استوا
لا تحسب أني مصورهااا كلوف=والله ان الوجد محرق لي شواا
ياشبيه النور ياحد السيوف=يا سحايب توصل القلب الروا
ان قطعتك مابسميها الضروف=الضروف امراض والقاك الدوا
بس اخاف اليا تنازعنا الكفوف=عقب ضمات الايادي والهوى
واستدارت روسنا خلف الكتوف=انت تناظرني وانا مابي قوا
واكبرت فينا مساحات التلوف=لين وردنا على حد الثوا
ايه خايف والبلا فقدتك خوف=عقب فقدك والله ان حالي بواا
لواموت اشوى ولا اشوفك عيوف=ولو تموت فذمتي ندفن سوا