يالله طلبتك ياسميـع المطاليـب=اسمع دعاى ويسر اللى عسيرى
ياراكب من فوق حرش العراقيب=ثم نصها ال ضاعن عز القصيـرى
تلفى على اللى ينطحون المواجيب=اللى قصير البيت معهم خشيـرى
ذباحة للضان مـن دون تسبيـب=يشرونها لو ان ثمنهـا كثيـرى
ويثنون فى الهيجا ربوع معاطيب=ستر الهنوف اللى نهدها صغيرى
ظفران لا ركبوا على الفطر الشيب=وبيوتهـم تبنـا لا جـا نذيـرى
ننشر لهم بيضا بروس المراقيـب=عد النبات وعد ماهـو يسيـرى
متقصر ماقلت فيهم مـن الطيـب=افعالهم ورثـة كبيـر لصغيـرى
عاداتهـم لا كلحـن الاشانـيـب=يثنون عند الجاذيـه والكسيـرى
لا جا نهار فيـه زهـم وتناديـب=ثم قام ستر البيض منهن يطيرى
يلقى العشا بافعالهم جايع الذيـب=ويشبع باثرهم من صغير وكبيرى
لا هنت يا وسيع البنايد على نقل القصيدة وصح لسان الدوسري وستين نعم بال ضاعن ولا قصور في باقي العجمان