[العظــ سالم ــيمان]

المشاركة الأصلية كتبت بواسطة مسعطر

الشاعر سالم ابن مبارك البطان آل فهيده المري يمدح الشيخ عبدالعزيز ابن عبدالرحمن الدامر :

إلى بغيت اللعب زينــــــــــــت مبناه=سميت بأسم اللي رفيــــــــــع جلاله
الله ولي العلم ما شــــــــــي بيخفاه=رب الملا اللي كل حــــــــــي يساله
من بعد ذا باقول قــــــــــــول بمعناه=باللي ينومس في المجالــــس مجاله
عبدالعزيز اللي على الطيــــب ممشاه=من ساس طيب و ضــــــــاري بالشكالة
يقدم الترحيب بالضيــــــــف لا جاه=وكسب العلا لو هو بعيد عنــا له
بالمرجلة راس الطويلـــــــــــة تعلاه=لأجل المراجل ما يشـــــــــــح بحلاله
زبن الجلاوي اللي من الضــــد ينصاه=وإن جا من العيال عي زمـــا له
كساب للطولات من طيـــــــــب مجناه=أمعنز بين العمـــــــــــــــام و خواله
عبدالعزيز اللي كبــــــــــــــار عطاياه=شيخ ولد شيخ بعيـــــــــــــــد مناله
أبمدح الدامر ولابـــــــــــــــــه مراواه=بالمدح معه رجال ما هــــــــو لحاله
من لابة تعرف نهــــــــــــــــار الملاقاه=عقال تلقا أهل الخطـــــــــــا بالجهالة
ما أنادي إلا من يثمـــــــــــــن مناداه=ولابمدح إلا اللي تبيــــــــــــن أفعاله
الطيب اللي من هل الطيب مــا أنساه=واللاش بخليه مالــــــــــي و ماله
و أبنصح اللي يمدح الـــلاش و أنهاه=مدح بليا فعل كـــــــــــــذب و خجالة
و أبذكر الله عد وبل نثــــــــر ماه=وأعداد ما يخلق و ينظــــــــر خياله

صح الله اللسان شاعرها
كفـــــــــــو ويستاهل المدح هو والربع اللي هو منهم

ولاهنت يالقرم مسعطر تقبل تحياتي