هذا المحاورة بين العمالقة سلطان ابن وسام الهاجري و ضيدان
ابن قضعان العجمي و هي لا تدل إلا على ود متبادل بين الأثنين.
ســــــلــــــطـــــــان :
اثر ابن قضعان لو شفناه كبَر في معمه=صايـر مثـل الجـراده عينهـا تسبـر قفاهـا
من صلاة الصبح وهو من مهمه في مهمه=بندقه شرفا قصيره وكل ما ازهبهـا رماهـا
ضــــــيــــــدان :
اثر ابن وسام شيخ يخطي البشت ويخمه=ماحسب للوقـت والدنيـا ليـا دارت رحاهـا
و الظليمة تكسي الرجال من كمه لكمه=و الهقاوي نعرف اللـي دونهـا واللـي وراهـا
ســــــلــــــطـــــــان :
وين راحت فزعة العجمي على شان ابن عمه=في نهارِ كل دلو تاصل الجمـه رشاهـا
البواخر كلبوها راسيه و البحر جمه=و الرجـال أهـل العوايـد طيبهـا يسبـق رداهـا
ضــــــيــــــدان :
لو ضحكت لصاحبي سلطان جاب اكبر مطمه=و أقبلت روس ((...)) تدربى في حصاها
مار وين القى رفيقٍ لامزح مافار دمه=و إن عطيته كملـةٍ حكمـه حفظهـا مـا نساهـا
ســــــلــــــطـــــــان :
أبشر إن الصف الأعوج ننقصه والا نتمه=و((...)) لاتنسى (في ذراها ) في ذراها
و إن غلبناكـم مالحقكـم منـا مذمـه=و إن غلبتونـا نقـول رجـال ماخذتـن قضاهـا
ضــــــيــــــدان :
يا بناخي سعد ابن وسام كان الهرج ذمه=قالها عبـلان وكـرام اللحـى تكـرم لحاهـا
يا بني عمي لا صليتوا الفجر من غير يمه=الضحى حرب عبوس عجها يكسي سماهـا
ســــــلــــــطـــــــان :
الكلام اللي على وضح النقا ماهوب نَمه=والله اني لاسقى الظامي ايلين اقطـع ظماهـا
و الحقايق لا تسوي فوقها همزه و ضمه=يرحم الله مـن كتبهـا يرحـم الله مـن قراهـا
ضــــــيــــــدان :
يا عمير الحب حبك تنثره والا تلمه=ماعلينـا مـن حليمـه لـو تبـي ترفـع عصاهـا
لو ابن وسام فـي الساحل يرشح ريس امه=كان طلع نص سكـان القرايـا مـن قراهـا
ســــــلــــــطـــــــان :
لو دعاني صاحبي ضيدان ماسيرت يمه=لين تهدا العاصفه بيـن الهواجـر و قصراهـا