هذا بعض ما اورد الشاعر مسلم بن مرهي ال نابت المري في مدح بن فطيس من عرض قصيدة طويلة وأعدكم بإضافة رابط القصيدة قريباً .
الشعر حنا هله والبيرق الدوحة مكانه * كانها بين الدول وان كانها بين القبايل
وانت يابن فطيس مثل بن الفجاءة في زمانه * والصحيح يصح والواقع يبطَل كل قايل
علم اللي يمضغ لسانه بنا مثل اللبانه * ما يعرف انا نبين إلى وقع ضرب الصمايل
شرب فنجال الشعر بدري وكب الاستكانه * مري من صلب يــــــام اللي توطي كل عايل
دام فيها بيرق البيرق عليه الله وامانه * ما بعد طاحت بيارقنا من أيام الوهايل
حن هل الشعر الحقيقي والخيالة والهجانه * من زمان السيف ابو حدين وامات الفتايل
يوم حن ننزل ونرحل ما نزلنا في طمانه * عودنا يابس بلايل والولد يابس بلايـل
حيوا اللي قال من باب الاخوة والميانه * حن هل البيرق بدون قصور فيكم ياحمايل
نحمد الله والله اللي وفق محمد وعانه * النصر والعز من فضله وهو راعي الفضايل
اهدي الناموس وارفع رايته لأعلى مكانه * لين اوصلها زعيم العز والعالم تخايل
اسم ابو مشعل سبب عز القصيد ورفع شانه * يرتقي شعري إلى مني ذكرته بالمثايل
والشرف للشاعر وشعراً تقدم لك سمانه * الله يديمك كثر ما لك علينا من جمـايل