[محـMـد الـMـري]

المشاركة الأصلية كتبت بواسطة راعيــة الذوووود

يواسيني وانا الميت وحالـي يجبـر الدمعـات=
تسيل من الذي فينـي ويبكـي وهـو يواسينـي=
وانا ابكي واتنهـد وارسـم بالحـزن لوحـات=
يجبروني عشان امشي ورجلـي مـا تمشينـي=
قتلت رعايتي بيدي قتلـت الحـب والرحمـات=
حرمت النفس من حقها وانـا ابكيهـا وتبكينـي =
وكنه حلـم قدامـي يقيدنـي مـن الصرخـات=
ابي اصحى ولكـن مالقيـت اللـي يصحينـي =
فداك القلب يايمه ومهمـا قلـت مـن كلمـات=
صغيره في كبر حقك بـس اتمنـى تعذرينـي =
نهبت الفرحه من بيتي صحيح اني خسيس الذات=
صحيح اني ولد طايش وكل ما أسمعـه فينـي=
تجول عيونهـم فينـي تفصـل منـي قياسـات=
وتشيح وجوههم عنـي وكنـي غيـرت دينـي=
يظنوا حزنهم اكبر وهـم اصحـاب هالمأسـاة=
وانا اتحدى اذا فيهم ربـع مـا يحتـرق فينـي=
نقص قدري بعد موتك وغابت نشـوة اللـذات=
وصـار الهـم عكـازي اباكـيـه ويباكيـنـي=
عطيتيني بدون حساب ولا سمعتك تقولي هـات=
وانا اشرب حيل من دمك ودمـك مـا يكفينـي=
يايمه ارجعي كافي ابجلس معك لـو لحظـات=
واقبل ايدك ورجلك وافرش لك رمـش عينـي=
يايمه ما تحملهم يقولـوا فـات مـا قـد مـات=
تعالي غيري هالقول واطيعـك باقـي سنينـي=
واترك عادة التدخين وانفذ مـا تبـي بسكـات=
واصلي الفجر في المسجد قبل منتي تصحينـي =
يايمه ارجعي تكفيـن وطفـي شمعـة الآهـات=
ابيك انتي ولا غيـرك علـى موتـك تعزينـي=
وضميني وداويني مثـل مـا كانـت الهقـوات=
ما ابي احدن يواسينـي ابيـك انتـي تواسينـي =
دخيلك بس لا تبكي اذا شفتـي بـي الدمعـات=
انـا مـقـوى ابكـيـك اذا انـتـي تبكيـنـي=

اللهم اغفر لوالدته ولـ جميع المسلمين

صح لسانه

عزالله قصيده محزنه

تسلم يديك ياراعية الذود على النقل