السلام عليكم ورحمه الله وبركاته
أضع بينكم هذه المتواضعه بين يديكم وأتمنى أن تحوز على رضاكم
يامعين إمن المصايب يامجيب المبتلا=عفوك اللهم ربي ياكريم(ن)ياصبور.
ياهجوسي عل صوتك وأطرب أسماع الملا=إنتهت ذيك السكينه ومابقى للصمت شور.
والله إني مانويت أطلق هجوسي ياغلا=البلا فا الناس تجعل ثورة الخافي تثور.
إبتدى في الجو غيم(ن)والرعود مزلزلا=وإنقتل صمت المدينه ومالقيت أشباه سور.
ياهجوسي ياهجوسي مرحبابك مسهلا=أطلق الليله حجاجك لعنبو قافن يبور.
ماعلينا وش علينا والسوي بدربه علا=من بغى نجم الثريا عافت عيونه جسور.
وش علينا بهاالليالي مدبراتن مقبلا=دام خطوتنا تخلي هاالثرى يصبح زهور.
الصعوبه لو نحرم شي كان محللا=والسهوله والله إني لطرب أمواج البحور.
أعلن الليله خضوعك تحت رايات الولا=من عصا ذيك الأوامر واجهه ويل وثبور.
ياهجوسي من حروفي شفت نار(ن)تشعلا=ياعسى في الأمر خيره أوهو شر(ن)من شرور.
في جميع أحوال فكري ياهلابه ياهلا=نكتب المعنى قصيدن يمتع عقول الحضور.
أدري إنك ياهجوسي كنت أسير مكبلا=الخطا مني رفيقي وأدري ماني بمعذور.
أبشر بجزل العطيه من قصيد مرتلا=بفتح الليله كتابك وأمتع أنواع السطور.
إكسر الليله سيوف مشرعه ومسللا=يعني الليله هجوسي يلبس ثياب الغرور.
يارفيقي التصنف من صفات الجهلا=والكرامه والشهامه ساسنا منذ العصور.
لايغرك جيش قيصر معه سيف مهلهلا=حنا صبيان القنازع لاغدى للحرب دور.
ياهجوسي إرفع الاصوات وإلا هو فلا=نامت عيون الجبان ومابقى فيني شعور.
الإجابه واضحه بليا سؤالن يسئلا=بكتب الليله حروفن تطرب أسراب الطيور.
القوافي والمعاني والحروف مكملا=دام للكلمه الهزيله خط ممنوع المرور.
يامعين إمن المصايب يامجيب المبتلا=عفوك اللهم ربي ياكريم(ن)ياصبور.
والله إني مانويت أطلق هجوسي ياغلا=البلا فاالناس تجعل ثورة إحساسي تثور.
تقبلوا تحياتي