بسـم الله الرحمن الرحيم
أخواني أعضــاء مجالس العجمـان..
السـلام عليكم ورحمة الله وبركاته...
ألـف مـبروك فوز ابن فطيــس بشـاعر المليون ..
وهذي أبـيات تهنئه لكل يامي بمناسبة فوزه ..
أتمــنى أن تنال اعجابكم ... واسمحوا لنا اذا فيها قصور .
عن ال عرجا ربعي .. اقصين وادنين=حبيـت اهنـي كـل مـري ويامـي
ليت الفرح في القلب ينشاف بالعيـن=كان اكتفيت من الشعـر والكلامـي
ومبروك ماتكفي ولو هـي ملاييـن=لمحمد الحـر الشجـاع العصامـي
كسب قلوب وصفقت لجلـه ايديـن=وقبل الجوايـز كاسبـن الاحترامـي
باخلاقه وشعـره ومنطوقـه الزيـن=يكسب محايد ..كيف منهـو يحامـي
وجايزته اعطـى نصهـا للمعاقيـن=لانه كريم ومـن رجالـن اكرامـي
ولا نسى الاطفـال داخـل فلسطيـن=(تفكير سامي من قِبل شخص سامي)
وحنا حزامه نكعـم الضـد ونعيـن=وياسعـد رجالـن جعلنـا حزامـي
لا صاح جينا لجـل نصـره ملبيـن=ونبـل كبـده مثـل وبـل الغمامـي
يام ٍ ايـلا منـه بـدا الـلازم تبيـن=وتارد حياض الموت ورد الحيامـي
قبيلتـي وقـت اللقـا لا تخافـيـن=قومي على عز .. وعلى عز نامـي
عاداتنا هي هـي مـن اول وذلحيـن=( واسمائنا تعلـو جميـع الاسامـي)
وســلااااااااااامتكم..