قصيدة المرحلة الثانية
(( في شاعر المليون ))
في شاعر المليون للشعر مضمار
والسابقة في الشوط تظهر بيدها
امضمرين أبكار الأفكار شعار
وكلن يحضر بكرته في وعدها
واللي تردت لا يدور لها أعذار
معذورة ما دام قد ذا جهدها
واللي تعوص وتضرب الحاجز يسار
تشل ف الدنة وترجع بلدها
وأنا ذلولي بنت صوغان الأشعار
من حبها عندي تفحم وحدها
إن جاره الله من تصاريف الأقدار
جاتك وجاك الجيش كله بعدها
الله عليها من مقاريد الأنظار
وصلت تحست ما غشاها زبدها
وتلقوفها بالعلم رمز وإشعار
وصفق لها منهو بعينه شهدها
ومن روبها أول ماتنصخ تمطار
ياللي تزعفرها من الطاس زدها
شبهت بالهجن الأصيلات الأشعار
وقصيدتي تراث اهلنا مددها
اعتز به واقبله إجلال وإكبار
واحة شرف يا سعد منهو وردها
اغلبنا في موجب الضيف والجار
يحلب لبنها قبل يذبح ولدها
وتراثنا من دونه نبيع الأعمار
وبأفعالنا روس المعالي صعدها
واليوم ضايق الجو من كثر الاقمار
تبث حقد لي حقده رفدها
غزا الشعر قبل امس غازين الافكار
قومن على الساحة دفعها حقدها
تلفقوا ثم جاؤوا من كل الاقطار
هذا يصبحها والآخر هجدها
هذا يحرف في الأسف سر وإجهار
وهذاك يذبح موهبة في مهدها
وقفوا علم للشعر في وقت الاسحار
غاروا على الساحة وعروا جسدها
وصاحت بعد ماشافت سترها طار
ووقف ولد زايد محمد ساعدها
قال ابشري بالستر وبردة الثار
واضفي عليها سترها مانشدها
واستل سيف في المواجيب بتار
واطلب وردن في العلا من فقدها
على خطي زايد خطاويه ما بار
والحاجة اللي في خياله وجدها
اغنى العرب من شوف ااديمي ستر
ومن شوف امر من السخافات وادهى
شفت الشعر بستان وابوابه اوهار
وقطفت ما يسقى المشاعر شهدها
قطفته من ديرة تنبت احرار
من دار بو مشعل ذراي وسندها
وسلامتكم وصح اللسان من قال