--------------------------------------------------------------------------------
افكر اني اشتغل بس فشو ياربي؟؟!!!
لا عندي شهاده تضمنلي شغل زين
ولا عندي فلوس اقدر ابدا به مشروع صغير
ولا حتى عندي نسبه زينه فالثانويه تأهلني ادخل اي مكان
يالله شو اسوي احترت مادري وين اروح
ملييييييييييييييييييت طفررررررررررت
اوكي بروح ادور شغل مثل ماقالولي بس فشو بتوظف؟؟؟؟!!
اكون فراش لا لا لا لا مستحييييييييييييييييييييييل
أروح اشتغل فاي مطعم ؟؟ اووووووووو ماقدر ماقدر فضيحه
طيب على الاقل كاشير فاي محل! لا لا بصير فشلة جدام الربع
الاهل مالهم غيرالوالد يعتمدون عليه وهو مب مقصر بس انا ماقدر اظل بهالحال على طول زهقققت ملييت
من قالي ما ادرس زين من؟؟
ارد انام احسن وابرك
حالة يمكن سمعتوا فيها او تعرفوا شخص يعاني منها فرايكم ليش الشباب والشابات يعتبروا هالاشغال مو من مستواهم وما تليق بمقامهم وبرستيجهم
ويظنوا انهم بفتشلون جدام ربعهم واصحابهم ونسوا انهم يسألوا نفسهم الصاحب اهو الي يوقف معاك فالصح ومو فالغلط وحتى لو اشتغلت باي وظيفه انت قاعد تضمن مستقبلك ومو قاعد تشتغل حق صاحبك وتريحه وانت مو مرتاح
وهالوظايف البسيطة ممكن انها تكون بداية لحلم حقيقي ومستقبل مايعلمه الا رب العالمين
القناعه كنز لا يفنى
انتظر ارائكم القيمه وردروكم الرائعه وشو هي النصيحه اللي تقدمونها لهالنوع من الشباب
عسى يعجبكم الموضوع
السموحه