حطوا لهم قصـة ارهاب(ن)وترعيـب
يـاالله يامعبـود ياعـالـم الغـيـب
يامنشـي(ن)در السحـاب ومطـرهـا
تحمي بلدنا من هـل الشـك والريـب
اللـي علـى الفتنـه تكاثـر قشرهـا
ناس(ن)غوت فـي دينهـا والمطاليـب
قامت تسـوق المخطيـه فـي دمرهـا
حطوا لهم قصـة ارهاب(ن)وترعيـب
لاربحـت القصـه ولامـن بـذرهـا
وصاروا على باب الردى والعذاريـب
السيـره اللـي ماربـح مـن عبرهـا
وباعوا شيمهم واشتروا جمـة العيـب
عمـي البصيـره ماتقـدي بصرهـا
لافيهـم الصاحـي ولافيهـم الـذيـب
اللـي يميـز حفرة(ن)لـه حفـرهـا
وصاروا طعام(ن)لقاذفـات المشاهيـب
وان ضاقت الحيلات روحـه فجرهـا
والدين ينفـي مـن نوايـاه تخريـب
ومن لاكسـب دينـه حياتـه خسرهـا
والوالدين ارضاهم اصـل المواجيـب
واللي يعصى والديـه يعنـي قهرهـا
وباب القهر يسقيـه كـدر المشاريـب
والمغفـره باسبـاب فعلـه دحـرهـا
ودار(ن)ربيت ابهاقصـور ومذاريـب
عيب(ن)عليـك تغثـهـا وتحقـرهـا
ولاهي طبيعة مسلم(ن)يكسـب الطيـب
هـذي طبيعـة كفـر مـاالله غفرهـا
تخسون ثم تخسون غصب(ن) وتغصيب
الـدار محمـيـه وحـنـا ظهـرهـا
مالكـم بهـا ياكـود نـار ولواهيـب
الـدار محكومـه وربـي عمـرهـا
ربـي عمرهـا بالرجـال المصاليـب
دون الوطن ننسـى الحيـاه وخطرهـا
اصغيرنـا وكبيرنـا يشـذب العيـب
وسيوفنا للاهـل الفتـن فـي نحرهـا
ونمشي تحت رايـة فهدنـا بترحيـب
اشـر وحـنـا مانـكـذب خبـرهـا
[سعد السبيعي]