يـامـروج الإرهـــاب
في اي مذهب صرت للـدم سفـاك
وتحارب الاسلام وسـط الجزيـره
ياالله ياللي تامن الارض بحمـاك
عينك على كل الخفايـه بصيـره
يارب وفقنا الى طاعتـك ورضـاك
وارشد اخطانا للـدروب المنيـره
ويالله بياض وجيهنا يـوم نلقـاك
في ساعة كـل يحصـل مصيـره
ويالله تعز الدين وتـذل الاشـراك
وانتصر الاسلام فـي كـل ديـره
ويالله تحفظ الـدار منـا ومنـاك
ومع كل درب فيـه للشـر سيـره
وتصونها من كل عابـث وفتـاك
وترد كيد اهـل اليديـن القصيـره
السهو والفتنـه ضعيفيـن الادراك
اهل النفـوس الحاقـده والحقيـره
ساروا بدرب ابليس مع كل شرباك
وابليس فيهم قـام يشعـب ابعيـره
يامروج الارهاب خابـت نوايـاك
ركبت درب ابليس واصبحت اسيره
ظلام تفكيرك غدى فيك وعمـاك
واخطيت درب السيره المستنيـره
في اي مذهب صرت للـدم سفـاك
وتحارب الاسلام وسـط الجزيـره
حتى حمى مكـه تطولـه خزيـاك
في جوها الطاهر رميـة الذخيـره
قتل النفوس المسلمه مـن سجيـاك
حللـة مفهـوم ارتكـاب الكبيـره
الطفل والشيخ الكهل من ضحيـاك
اجسادهم من هول فعلـك سريـره
تلطخت منهـم يمينـك ويسـراك
اثنيتهـم يـوم مافـيـك غـيـره
ماطبت ياالخايف ولاطاب مسعاك
يامصدر الموت الحـرام ونذيـره
حنا عربنـا داك ياالعفـن ودواك
البندقيـه والحـدب مـن جفيـره
والنبت يطلع فيه نـوار وشـواك
والشوك ماله غير نـار اسعيـره
ويادارنا يسعد صباحك وممسـاك
الخير فالك وانـت للخيـر خيـره
برعاية الله ثم الملاييـن ترعـاك
على العهد ومواصليـن المسيـره
مع كل فجر تعطر المجد طريـاك
يزدان صبحـك ويتجـدد عبيـره
يادارنا حتـى لـو اهتـز مبنـاك
ماهتزت نفوس هالجموع الغفيـره
اعمارنا واروحنـا مـن فدايـاك
ارقد بمـان الله وعينـك غزيـره
ويبقى مدارك واضح بين الافـلاك
ويبقى منـار فيـه للديـن نيـره
وتبقى وريث المجد والمجد يزهاك
ياموطن الدين الحنيـف ونصيـره
[ضيـدان المريخـي ]