نايف بن عبدالعزيـز قلـب الريـاض
تنزف إدموعنا والقلـب فيـه إنقبـاض
من جَسد محترق0تحته عظـم منطحـن
حَسبَنا اللْه على مَن هز قلب الريـاض
ممادرى انّه بفعله هـز كـل الوطـن!؟
وحسبنا اللْه على كل القلوب المـراض
ياقلوبٍ علـى فعـل الجرايـم سطـن
وحسبنا اللْه على من صبّ فوق البياض
اسود الكحل لين اخلف بيـاض القطـن
وحسبنا اللْه على من قص عشب الفياض
وحَرَّك الشجره الخضرا وهز الغصـن
وحسبنا اللْه على روس النعام الربـاض
دسّت الروس في وسط الوحل وإربضن
وحسبنا اللْه على من شجـع الإنتفـاض
لين هز الرضيع اللي بوسـط الحضـن
وحسبنا اللْه على من قـدّم الإفتـراض
إن حـق الإبـن للأُم00رفـس البطـن
وحسبنا اللْه على من يعلن الإعتـراض
للشريعـه وفـي أمـن البلـد يمتهـن
وحسبنا اللْه على لسانٍ تبجّـح وخـاض
بالمفاسـد وحـرّض للخطـا والفِتَـن
نطلب اللْه لفضلـه وارديـن الحيـاض
والأيـادي رفعناهـا لوجهـه نصـن
ياللْه إحكم على اهل الغدر بالإنقـراض
شلّـةٍ بالشريعـه والأمـن مـارضـن
وإجعل الشر ترجع نسبتـه بإنخفـاض
وياللْـه إنـك تكافينـا البـلا والمِحَـن
ويحسن اللْه عزا من هلّ دمعه وفـاض
في فقيده بَعَـد حطّـوَه وسـط الكفـن
تنزف إدموعنا والقلـب فيـه إنقبـاض
من جَسد محترق0تحته عظـم منطحـن
والأمانـي طويلـه والمشاعرعِـراض
فيـك يانايـف اللـي نايـفٍ بالأمـن
إيه ياحرّ ياللـي طبعـك الإنقضـاض
يامحَنّك,ياواعي,يـاذَكـي , يافَـطِـن
أنت بعـد الله الوالـي بيـدك الحِفـاظ
للبلد فـي يديـك إخطامهـا والرسـن
لين بـذن الله المعبـود تنشـر عكـاظ
إن راع الجريمه صار وسـط السجـن
وينحكم بالشريعه وإشمخـي ياريـاض
ويشمخ الأمن مع نايف ويشمـخ وطـن
[عبدالرازق الذيابي]