انفجارات الريـاض
المجد مجدك يا بلادي مـن قديمـات السنيـن
ما تنطفي نار الكرامه فيك لـو غيـرك خمـد
الله يحفظك يا وطنـا مـن شـرور العابثيـن
اللـي نواياهـم فسـاد الحـال وافسـاد البلـد
ما اهتز في قلب الرياض الا قلوب المرجفيـن
اللي يبون يزعزعون الامن عن قصـد وعمـد
ياعاصمة دار السعـود ودار كـل المسلميـن
تهون كل ارواحنـا لجلـك ولا نبغـى قـود
المجد مجدك يا بلادي مـن قديمـات السنيـن
ما تنطفي نار الكرامه فيك لـو غيـرك خمـد
يا عاصمتنا و ( عاصمتنا ) لك عهد بعد اليمين
نصون أرضك مع سماك الين ندخـل فاللحـد
عهدٍ علينا مانخونـه يعرفـه حتـى الجنيـن
عهدٍ على الشيبـان ووصـاةٍ توصـى للولـد
نحميك من أهل الفساد اللي بـلا عقـلٍ فطيـن
اللي مجمعهم سـواد القلـب وانـواع الحسـد
يا دارنا لايشغلـك افعـال نـاسٍ مغرضيـن
تبقى السعوديـه ويبقـى حاكـم الديـره فهـد
[زايد الرويس]