[حـــوران]

السلام عليكم

سؤال لكم ياجماعه

ليش ماهاجمتواالبرنامج الا بعد خروج محمد ابن الذيب ؟؟ ليش ماهاجمتوه قبل دخوله ؟؟

طيب البرنامج صار له فتره ودار على دول خليجيه ماحد أنتقد البرنامج وفيه تصفيات ولاحد أعترض عليه .. ويوم دخل أبن الذيب كل ٍ يقول يالله خلونا نسوي رابطه في البرنامج لشاعر المليون القادم ابن الذيب ..

وأكيد ابن الذيب هو اللي بيفوز ومسوين سوالف .. ويوم طلع ابن الذيب بمحظ إرادته يعني (برغبته التامه) هاجمتوا البرنامج ..وصرتوا تشوفون الصغيره كبيره ..

1_أولا ً البرنامج ماوضع للشعراء المشاهير ..وضع للهواه والمواهب الصغيره .. ولكن تفاجئنا كلنا بدخول محمد ابن الذيب وكذا شاعر مشهور مثل فيصل اليامي والتويجريي وتركي الميزاني ..

2_ محمد ابن الذيب استلم المليون وخلّص .. وراح ودفعه في لندن في سكن واستلم المليون من محمد ابن زايد(مقدّم) .. وماجا للبرنامج إلا عشان التوصيه من محمد بن زايد ..لغرض الدعايه للبرنامج وعارفين انه ماراح يكمّل ..(والمصدر شخص قايل له ابن الذيب بنفسه)

ويمكن الشعراء الباقين (المشاهير) نفس القصه .. واللجنه عندها خبر في موضوع انسحاب ابن الذيب ..وحتى لو كمل ماراح ياخذ المركز الأول .. المتوقع والأشاعات المبكّره تقول ان المركز الأول سوف يكون من نصيب شاعر إماراتي ..

حتى لو اللي بعده أفضل راح يعطونهم من تحت لا تحت(تسكيته) ..بس قدام الناس بيصير إماراتي .. البرنامج إماراتي والداعم إماراتي ويبغى يوجّه النظروالأعلام لشعراء دولته ومن حقه .. شي طبيعي ..

وعلى فكره البرنامج عطوه الناس أكبر من حجمه ..

هذا ماحبيت أوضحه لــ إخواني الأعضاء