في السنة عيدين وانت لخافقي ثالث عياده
الله يهنيك في عيدك ويرعاك ويصونك
جعل عيني ما تشوفك غير في ثوب السعادة
تغمرك بافراحها وأقرا خبرها في عيونك
كل شيء في حياتي زين زينته زيادة
والجروح اللي من طعونك شفاها من طعونك
كانت العيشة قبل عرفك غرابيل ونكادة
والحياة الله يحفظك مالها قيمة بدونك
ما يلحفني لحاف ولا توسدني وسادة
كل ما غيبتك الأيام وشغلتك شطونك
انت لاحزاني ولهمومي طبيب في عيادة
بالغلا تغرقني امواجك ويجرحني سكونك
عائض سرحي العتيبي ص.ب: 10713 مكة