[سعيّد ابوجعشه]

[color=#008000]هذه قصيده للشاعر صاحب العذوبه الشعريه التلقائيه( محمد بن الذيب)

وهي تجمع روح الفكاهه والسلاسه والجزاله ومحمد الذيب

قصيده ممتعه حد الثماله أحببت أن تشاركوني روعة إنسكابها بين حنايا الروووووووح



تفضلوا ...







ياحسن من عادني طفل مانيب أسمّـي ..... معظم الأشياء باسماها وقدنـي صيّـه
كل ماقالوا عروبه قمت أشمّـر كمّـي ...... العروبه سوقها طايـح علـى ربيّـه
ان سمعت قومية معمر وذبـح الذمـي ....... لكن الذمي بخيـر وماتـت القوميّـه
بس أنا من هل قطر ولانيـب مهتمّـي ........ لي مع بوش الابن علاقـة شخصيّـه
عندنا أكبر قاعده تشرب زحاح السمّي .... يعني امريكا خويتنـا ماحـن بشويّـه
أي واحد منكم يحـاول يفـوّر دمّـي .......... والله ان أعلّـم القـوات الأمريكـيّـه
مشكلة شاعركم انه مايخـص يعمّـي ...... تختلط الأفكار والشرهه على النفسيّـه
ابردي يالهفـة الجمهـور والا حمّـي ........ مستعد أضحك الجمهور فـي مرثيّـه
وياهجوسي نمّي الفكره وانـا بنمّـي ...... دهشة الجمهور من تركيبـة القافيّـه
من ثمان سنين أبغى اكتب قصيده فأمي ... بس أخاف الرجال تقـول وش داعيّـه
وانته جنوبك كبار وعظمـك الملتمّـي ...... مايساعد هيكلك أصـلا علـى الحنيّـه
لين مرّه من حدى المرات لـدّت يمّـي ...... غترتي في حضني ومدري وين الطاقيّه
قالت محمد وقلت عروق قلبي سمّـي ..... قالت محمـد وقلـت العـز ياطاريّـه
قالت العجمان لو تطمع بشربت دمّـي .... وش تسوي وانت عجمي وامك المريه
قلت لاتموتين والا مت شيلـي همّـي ..... يافديت رجولـش الثنتيـن يارهابيّـه
دوريلـي ثـار مايمتـد لابنـا عمّـي .......... ماهيب لحية بني عمّي قالت لي هيّـه
انحري عود الضلوع الكايدات وزمّـي .... واسكني قلبي بحد السيـف والشبريّـه
وخلّي اذنش ثابته واللي تسولف فأمي .... والله ان اذبح من العجمان لك عجميّـه
ويمكن أطلّع ابي من قبـره المنطمّـي ...... وأذبحه تسعين ذبحه بالدمـوع الحيّـه
أذبحوني يآل مرّه واستبيحـوا دمّـي ....... والله ان اموت وانا احـب لـي مريّـه
لاحد يفهم خطا ترى القصيدة في أمي .... قلتها وانـا حزيـن وجـت تلقائيّـه




محمد بن الذيب العجمي