مساكم الله بالخير جميعا
عندي لكم يأهل المحبه ابشاره =اطراف موجز والتفاصيل بعدين
توه وردنا هالخبر من دياره= اخبار توفي باللقاء للمحبين
برنامج القوقل مشي في مساره=يكشف ديارن ساكنته السلاطين
عليك تنزيله ودق اختاره= وتحديد خط الطول ماينشدك وين
دقه وخله بالفضاء في قراره= ومنين ما قلت اتجه قال ومنين
يا بيض الله وجه منهو ابتكاره =يجزاه ربي عد تعداد هالصين
وضعيته اقمار تمشي بمداره =تكشف مدار الأرض حدن بحدين
والدق عنده.. كنها وصف قاره= قصدك يجيبه شوف اقرب من العين
كنه اشقرن يعجبك شوفة اطياره= وليا انخرط وسم الحبار بشقين
الاشقر الي فارقن من الجياره =صلفن ويفرق بالمداوس علي بين
يأهل المحبه لابقيت ازياره= وكل شفق في شوف خله يبي الحين
عليه بالي.. لطلبه مستخاره =قال الطلب امرن وعطني العناوين
ثم جاب خله وسط مسكن ادياره= وخلاه قدامه ونظم فيه بيتين
راحو العواذل في مهب الغباره= معاد ينفع فالحكي نقلت الشين
الشوف حاصل وان ذبحهم جباره =ولا صار خلي طيبن.. خاطري زين
يالله عسى قوقل يجيله ازياره =حرام يذبح له من الضان كبشين
هذا الخبر توه ورد من ادياره= اخبار توفي باللقاء للمحبين
وسلامتكم