ياصغير لاتضيعني بنظرات البراءه=وانت ماتعرف مدى تاثير نظراتك بحالي
أه يالبيه ..يابشويش..ياهد الاضاءه=للجفول اللي..من جفاله يجفلني ضلالي
فز..باسم الله عليكمن المبره للأساءه=وارقد أمن في عيوني..واسهرأمن في خيالي
ياصغير..والذكي..مثلي..ليا خانه ذكاءه=ماله الا يعشقك ويصير لعيونك شمالي
قم فديتك وانت حر..من الف باءه..لين ياءه=ماعطاك الا الله ..اسرف واستبيح ولا تبالي
سو مايرضي غرورك..وأد ماتهوى أدءه=الحشا لك بيت حاتم ..وانت غالي عند غالي
قم تمخطر في الحشا..وانسى الكتابة والقراءه=وحل واجب شاعر ماحلته سود الليالي
وعلمه وشلون تتعدي على خط استواءه=وعلمه وشلون كيف..وهل يضيعون الرجالي
وكيف يجني خلف سور الجامعة..ذنب الكفاءة=ساعة نادى ابليس وقال له:مالك ومالي؟
وانت يشفع لك صغر سنك ونظرات البراءة=بري حالي..كل مالديت يمي بري حالي!!
القصيدة للشاعرِِِ/ ضيدان بن قضعان