ابدي بذكر اللة خلاق الاكوان
الواحد المعبود جزل العطية
ياللة تغفرلي ويا خير رحمن
تهديني الطاعتك صبح وعشية
ومن عقب ذا بمدح طويلين الايمان
ربعي بني مرزوق اهل الحمية
اهل القنازع بالمواقف لهم شان
وقفاتهم صعبة لها مقدمية
يوم العيينة كلة العين ضيدان
يوم اغدروبة يحسبونة بدية
ثم قامو الفرسان شيبن وصبيان
وكم شيخ قومن قام يلعن خوية
وانشد سعد وشصار في يوم كنزان
يوم الاخو يهرب يخلي اخية
وانشد بن عريعر وياتيك برهان
يوم الرضيمة كسر الشمس حية
وانشد بعد الاتراك عن فعل راكان
كسار عزم الي عزومة قوية
هاذا فعلنا من قديمات الازمان
وصلو على الهادي شفيع البرية
وسلامتكم
هاذي رد عن زميل لي قال وش سويتو يا العجمان
صالح الظاعني