مساكم الله بالخير جميع ..
بويتات اتمنى قبولها
يالي تحاسبني وانا وضعي سليم=ماني وكيل ادم على ذريته
اقرا الخبر في موجزالنشره يتيم=عقاربه شاخت وفحّـت حيته
لاتبتليني وتبتلي بي ياغشيم=اتبع طريق ٍ عارف ٍ ماريته
علمٍ تدوديبه مع العالم عقيم=ولاأنت فارح بولده وبنيته
لابارك الله فيك يالعرق الذميم=حسنته تخطينا وندمح سيته
لعيون ناس ٍ جاهها عندي عظيم=ماهوب لعيون الهبيل ونيته
والا تراني لو ابيها في الصميم=اقرب لراسه من طرف طاقيته
في ذمتي ان يبطي وهو منها سقيم=لكن صدّوا به قبل لاابيته
واليا بغيتوها على الوضع السليم=ماحدٍ وكيل آدم على ذريته