السلام عليكم ورحمة الله وبركاته . مساكم الله بالخير جميعا..
أحبك لي ست سنين وتم اليوم سابعها=عسى الله لك يوصلني قبل لا الشوق يفنيني
أحبك والمحبة في ضميري يزيد دافعها=إلى منك على فكري طغيت وصرت تدعيني
إلا ياشمسي إللي في الضماير غاب ساطعها=أنا عايش على رجوى شعاع(ن) منك يدفيني
ترى ياسيدي حبك ملك روحي وتوابعها=وصار الآمر الناهي على قلبي وعلى عيني
ترى ياسيدي همستك جدار الصمت مانعها =ونظرة طرفك الخجلى توارى قبل ما تجيني
ف يا خلي طالبك طلبة وطلبة خلك إسمعها=ونفذ ذا الطلب تكفى ترى مافيني يكفيني
أبيك تغامر وروحك مع روحي نجمعها =وتصير أرواحنا وحدة بدل ماتكون روحيني
وأبيك تضمني لصدرك وليلتنا نولعها=و لا نهدى ولا نسكن إلى ما فجرنا يبيني
و بأسبح في بحر عينك وبأغرق في مدامعها=وأبي برمشك إلى مني بغيت اموت تحييني
وأبي أشرب من شفاهك إلين يجف نابعها=وإلى من جف نابعها وش إللي عاد يلهيني
محمـــد العــــــرجاني