أمرر هذه المتواضعه بين أيديكم وأتمنى أن تحوز على رضاكم جميعا.
تنشد عن أحوالي وأنا فيك مجنون = ياكيف أصدق قلبك اللي ذكرنّي
من بعد ما سويت في قلبي طعون = حسيت فيني يوم ربي رحمنّي
حبك ترعرع ثم سطى زعزع الكون = ما كنت أفكر يوم بيخيب ظنّي
وين أنت خمس أسنين ما هزك شجون = وين أنت يوم أنّي جريح ٍ وونّي
والله عجب لي قلت لي كنت مسجون = محروم من شوفك ومحروم عنّي
ما تنفع الأعذار لا صرت مغبون = ما تنقبل يا صاح منك ومنّي
حطمت قلب ٍ صار بالحب مكنون = وخليت شمات ٍ علينا يغنّي
وسمعت بي الحكاي واللي يعذلون = تستاهل اللي صار من دون منّي
ماهمني شكلك ولو كان مزيون = زينك بلا عقل ٍ حسايف فتنّي
هذا ضميرك مال في غفوة عيون = وهدمت قصر كان بالحب مبنّي
واليوم تاتيني تدور على عون = تبيني أرجع في هوى مستجنّي !
هذاك في وقت ٍ وأنا كنت مجنون = وقت أصدق فيه قلب ذكرنّي