يا الله يا قابل(ن)دعـوة دعـاء المحرميـن
من روس جند النصـارا تشبـع الحايمـات
وحنّا علي الدين يا أهـل الديـن متعاونيـن
مـع الجماعـه نقـوم وننثـنـي للـعـداة
يا المسلم الكافرأحـذر منـه حقـده دفيـن
خلّـك حـذر وأنتبـه لأهدافـه المقـبـلات
والحـق قـدّام كـل الخلـق لأهلـه يبيـن
والقادمات أن يشآء الله عاضـت الرايحـات
من جحر واحد مـا يلـدغ مؤمن(ن)مرتيـن
حديـث للمؤمنيـن أنــذار والمؤمنـتـات
كونوا لدار(ن) ربتكـم يـا عـرب محتميـن
تنالـوا الـبـر والخـيـرات والمكـرمـات
صفوّا صفوف العرب مـن زمـرة الخاينيـن
المجد تحـت السمـاء مـا يقبـل الهينـات
وحنّـا كعـام العـداء ولطامـة العايلـيـن
علـي البسيطـه نهـد اجبالهـا الراسيـات
وحنّـا لحـوض المنايـا والخطـر وارديـن
نـارد لجمـع الـورود ونلحـق الصـادرات
نرهـب قلـوب الذيّـاب ونمّـن الخايفيـن
مـا كـل يوم(ن)ظـلال اقصـور ومكيّفـات
البايعيـن الحيـاه ومـا بهـا الصاملـيـن
ننطح جمـوع الرجـال وننطـح الراجمـات
لامن دعينـا لخـوض المعركـه حاضريـن
حنّـا هـل الديـن والتوحيـد والتضحيـات
علي رقاب العـداء نشيـل سيف(ن)سنيـن
نشبـع نسور(ن)تحـوم ونشبـع العاويـات
ما وسطنا عاش فرخ البوم وأبـا الحصيـن
ألا نمـور اللـيـال الـسـود والقانـبـات
هـذا كـلام الصراحـه والعـرب خابريـن
نثـبـت سواليـفـا بأفعولـنـا البيّـنـات
وحنّا من الغرب وأهـل الكفـر مستهدفيـن
تطوي السنين العمـار وكلّنـا فـي سبـات
رقوا الكواكـب وحنّـا بيـن معـزا وضيـن
سوات غابـه نهـاب أسودهـا الضاريـات
للغـاز والزيـت وأرض أجدودنـا طامعيـن
وحنّا نمسس طرف الأنشـاب بيـن الخـوات
وسكان طيبه من الحجـاج وأهـل القريـن
من روسيا ومن بلاد أثيوبيـا اليـوم جـات
لو بيدهم ريـح الأنسـم تقطـع الأكسجيـن
ناس(ن)تـوّرد علينـا الخمـر والخايـبـات
متسوّل(ن)عندنـا لكـن ضلـعـه متـيـن
يومين يبني علـي المكشـوف مستودعـات
في عام تاجر ما ندري جـاب مالـه منيـن
يرسـل كروتـه علـي التجّـار والتاجـرات
وخير البلد من كسلّنـا فـي يـد الوافديـن
دخـل بنـوك الربـاء غسيـل ومساهمـات
وشبابنا كـم سنـه عـن العمـل عاطليـن
يـا مكثـر العاطليـن ومكثـر العـاطـلات
وعلـي فسـاد الأداره يـا الله أنّـك تعيـن
تقضي علـي الفاسديـن وتنهـي الفاسـدات
والله يوفّـق ملكنـا قولـوا آميـن آميـن
همّـه شبـاب الوطـن ويـزوّج العانسـات
زاد الرواتب وعيّـن فـي البلـد مصلحيـن
وبناء المساجد وسـوي حولهـا المكتبـات
مشّـي رواتـب كبـار السـن والمعدميـن
يلقـي جزاهـا نهـار الحشـر والقارعـات
وزّع مساكن علي المسكين فاضـي اليديـن
وأراضـي أمنـوّره وزفلـت ومخطـطـات
ملك وعادل فـي شعبـه مطلـق الراحتيـن
يصلح ما بيـن الشعـوب وينبـذ الترهـات
يعفـو عـن التايبيـن ويطلـق المعسريـن
له عام في الحكم صـدّر طيّـب المكرمـات
بشايـر الخيـر بانـت مـع قـدوم الثنيـن
ولـيّ عهـده كريـم ومرخـص الغاليـات
والشك ما يقطعه يـا نـاس غيـر اليقيـن
مستشفيات ومـدارس علـم مـع جامعـات
الـحـمـد لله رب الـبـيـت متعلـمـيـن
تـخـرج معلمـيـن وخــرّج معلـمـات
وكم واحد(ن)سجّل اسمه بوش عنده سجيـن
من دون سابق ظـروف أنـذار ومراسـلات
وفـي قايمـة زمـره الأرهـاب متورّطيـن
كم(ن)سجين(ن)بـلا تحقيـق ومحاكـمـات
مشحون فكري غضب والقلب منّـي حزيـن
والبنك يصرف ذهـب للغـرب ومساعـدات
سبحان من كوّن الأنسان من مـاء مهيـن
وسيّر كواكب فضاء تحت السمـاء سابحـات
ما عصـم غيـر النبّـي وأمثالنـا مذنبيـن
والله خلـق مذنبيـن ومثلـهـم مذنـبـات
والله موكّـل ملائـكـة القـلـم كاتبـيـن
يعفـو عـن التاركيـن الذّنـب والتاركـات
وأبليس عايش علي الدنياء وفوقـك قريـن
عـوّذ مـن أبليـس والأيــام متقلـبـات
وحنّـا لحكامنـا فـي الـرزق متقاسميـن
صدورنا مـن غلاهـم طعـم سكـر نبـات
الخير وافر وفاض الـوزن فـي كـل عيـن
لكـن بيـت القصيـده فـي نشيـد بركـات
وأنا لا جبت القصيد أجيـب شـي(ن) ثميـن
الوافيـات الجـزال أمـثـال والمحكـمـات
يا الله يـا الله يـا قابـل دعـاء الصايميـن
من غيث جودك مطر يحي عـروق النبـات
والبارحـه مـا رقـدت أسامـر الفرقديـن
علي سحاب(ن)سـري ونجومـه الساريـات
مـا كـل شعـب الجزيـره كلّهـم مترفيـن
كم واحد(ن)فـي حلـوق كلابهـا الجايعـات
مـا بيننـا عـالـم الــذرّه ومتأخـريـن
وش فرقنا يا عرب عـن الـدّول الأخريـات
فـي زحمـة النـاس حنّـا بينهـم تايهيـن
وعقولنـا مـن قـلال المعرفـه تايـهـات
لكن وجـود السلامـه فـي البلـد نعمتيـن
صحه وأمان وطمـان ورز مـع خضـروات
ولأنعام رب البشر مـن جورنـا مسرفيـن
يعلم خطـأ المسرفيـن ويعلـم المسرفـات
شعوب بعـض الـدّول ضعـاف ومشرديـن
مـن جوعهـا تاكـل الحرمـات والميّيتـات
علي المرض والخطر من نسلهـم يائسيـن
علـي الفقـر عايشيـن ويأكلـون الفتـات
أمراض وأطفـال منظـر يوجـع الناظريـن
المسلميـن الفقـارا فـي يديّـن الطـغـاة
فم الطفـل فـي ديـود أمـه وهـم ميّتيـن
يحزن سخاف القلوب ويحـزن المرضعـات
وطاحوا في أخس الأمم حاخـام أبـو نيتيـن
كم شذ من شـاب عـن دينـه وكم(ن)فتـاة
ما ياخـذ المسلـم العجـز معـه ساعتيـن
فـرق ديـار السـلام وفـرّق العـائـلات
وأنتم في نعمه وعوذوا مـن بليـس اللعيـن
سيّـاره آخـر موديـل وشيـك ومكالمـات
لا بيـت يـأوي عوائلـهـم ولا مكتسـيـن
وحنّـا نعـد الفلـوس ونبنـي الناطـحـات
وللكـف بصمـه وللأنسـان عقل(ن)ذهيـن
وشبابنـا همّـتـه تشجـيـع ومبـاريـات
منتم علـي ظاهـر الدنيـاء دهـر خالديـن
علي الطرب يا عـرب دسكـات ومسجـلات
ولستـار أكاديمـي التخريـب مدحـدريـن
في كل شارع وسـوق أرقـام ومعاكسـات
في ظـل شجـره نقيّـل تحتهـا وراحليـن
في موحشات القبـور العـوج والمظلمـات
والقدس يـا المسلميـن وثالـث الحرميـن
تحريره أصبح علينا مثـل فـرض الصـلاة
ستيـن عام(ن)مضـت نستقبـل اللاجئيـن
نبني لهم فـي البلـد مسكـان ومعسكـرات
لكـن أقـول الله أكبـر ينصـر الصابريـن
نحفظ عهود الوفاء من دون شـرط الوصـاة
وحنّا من الغرب وأهـل الغـرب متضرّريـن
ما ينفع اليوم شجـب الغـرب ومظاهـرات
كم لاجئ(ن)في ديـار الغـرب ومعارضيـن
تحفـر ةتدفـن لنـا وتسئّـس أمعارضـات
عـداة الأســلام والتوحـيـد ومنافقـيـن
ما عـاد ينفـع معاهـم جلسـة الطـاولات
وشارون ملعون كلب الغرب سـوي كميـن
مكالـة السحـت كـل أحقادهـم مرمسـات
زرع لهـم بيننـا جـاسـوس ومعقبـيـن
وصحون الأقمار ترسـل فوقنـات الذّبذبـات
شبعا مع هضبـة الجـولان يـا المكرهيـن
وأيديـن الأمّـه بـدون اسـلاح ومفجـرات
يا أبناء الصحابه نقـوم ونطـرد الغاصبيـن
لأم المعـارك نشغّـل مخـزن الصالـيـات
ما أنتم علي الذّل يا أسيـاد الأمـم مجبريـن
تري المعـارك ثقـات اقلـوب ومصادمـات
شعـب الجزيـره جنـود الديـن ومقاتليـن
ترقص نسانا لخـوض الحـرب وملولشـات
مئـه تغلـب ألـف بـذن الله ومنتصـريـن
وجيوش الأعداء عـداة الديـن مستسلمـات
وصلـوا لسيـد البرايـا خاتـم المرسليـن
مـن حـذّر المسلميـن وبيّـن المهلكـات
ارررررررررررررررحب يالبركان
وصح لساانك وعيني عليك باارده ماتاتي الا بالقصيد اللي يشيش الرااس