[حمد العذبي]

اقبل يحرك خطوة الرجل برفوق
>>>>> والقاع لمصافح اخطاه يتشوق
مخلوق لكنه ماهو بأي مخلوق
>>>>> على بنات آدم وحوى تفوق
عليه لبسٍ يجمع الوسع والضوق
>>>>> موسعٍ بعضه وبعضه مضوق
مر وتعدى مابدى منه منطوق
>>>>> إلا انه بجيش المفاتن مطوق
خلاني امشي واقضب الدرب واتوق
>>>>> ماني بتايق فكر لاكن متوق
تقول مرميٍ على الارض من فوق
>>>>> ولا من السم السقطري مذوق
يغفي علي شوي وشويٍ افوق
>>>>واقول لا استيقظت والبال روق
مادام لا امعوق ولا صايبه عوق
>>>>> وراه يمشي مثل مشي المعوق
اللي مثل حاله خطر يدخل السوق
>>>>> مفروض يمنع مايروح يتسوق

وسلامتكم...

الشاعر/ لافي الحربي