[محمد الهتلاني]

شاعر يام علي بن بلال

( شاعر يام علي بن بلال) - وقصيدة الانتخابات- ( كلنا العجمان ) ( جمع يام )

يا سلام الله على الدرع القوي الظافي= جمع يام اللي معاصير الدول نبراسه
وللحضور أثني سلامي من ضمير صافي= ما هما وبل السحاب وذعذت نسناسه
والمواقف والقوافي والحقوق اصنافي= والرجال اسماعها وقلوبها حساسه
والتجارب مدرسه والشرح شرح وافي=والزمان استاذ وضروف الحياة إدراسه
والجنيهي فالحصاة يطقه الصرافي= يحتمي نقد الذهب عن فضته وانحاسه
يا وعيل إهشام مذكر يام رمز أسلافي= يا ملينة الحديد اللي شديدٍ باسه
اعتزينا واحتزمنا بالجموع اردافي= الوفا طبعٍ لنا وامجددين ارماسه
خلفوه ابطالنا وشيوخنا العرافي= من زمان الجبخان امولع(ن) مقباسه
يا هل الميقاف جينا يا هل الميقافي=حامسين الشعر حمس البن في محماسه
حمى راسي من حماسي وابتديت بقافي= لا قصر عن مستحق ولا يساق ادساسه
وكلنا العجمان حتى يبدي المشرافي= كل من سود الليالي ما تغبي راسه
ومن وفاء مع يام من يام الوفاء يستافي= وانت مالك غير ثوب العز يا لبّاسه