الله ببتديـهـا كلمـتـن يــوم الله قــال
ارجعي يالنفس لله راضيه مرضـى ورضيـه
واشهد ان الله واحد وحمـده فـي كـل حـال
ولاعتراض الا لغيره ما اخـذ لـه والعطيـه
قالها محمد ابو القاسم فـي ليلـه مـن الليـال
للفراق القلـب يحـزن وعيـن للفرقـا بكيـه
يالله انك ترحـم الـي مطعمـه دايـم حـلال
رطبٍ السانه بذكـرك دايمـا صبـح وعشيـه
يالله انك ترزقه بمـروا عطشـه مـن الـزلال
من بعدها لا عطش لا جوع يطري له طريـه
يا يبا يرحمك الاعظـم ربـي منشـي الخيـال
جل سبحانه وتعالـى مخـرج الميـت وحيـه
يايبـا لبيـك حـي وميتـن يـا راس مــال
والله انك راس مالي عصبـة الـراس ودويـه
يـا معلمنـي بعـد ربٍ كريـمٍ ذو الـجـلال
كيف اني اقطف الثمره مـن القصـن برويـه
ويامعلمني يا كيف ألبس على الـراس العقـال
وكيف انا البس غترتي وكيف استمعلك في انيه
ويا معلمنـي بحثـك كيـف عرفـي لرجـال
وكيف بخصـي لرجـال الطيبـه ولا الرديـه
ويا معلمنـي القصيـده كيـف تكتـب بعتـدال
الشطر اسمه شطر والبيت يجمع مـع خويـه
ويا معلمني بحـور الشعـر واسماهـا بكمـال
وكيف اميز طرق الهجينـي وطرقـي للحديـه
ويا معلمني الوصل وان الوصل اصل الوصال
وكيف ربي برحم اقسـم لمـن وصلـه غنيـه
ويـا معلمنـي بـان الـرب يفنـي لحتمـال
ولبغيت الشي قـول انشـاء ربـي فيـه نيـه
ويامعلمني لا ضاقت بي ومن حولـي الجبـال
غيـر ربـي مالتجيلـه لا ولا غيـره لجـيـه
علموني كيف ماابكي...! كيف مادمعي يسـال
الا ببكـي ثـم بعـد ببكـي ولافيهـا غبـيـه
يا وجودي وجد عـودا غاديلـه مـن الحـلال
خيرت ابله مع فحلهـا ومـن شرايدهـا لقيـه
وياوجودي وجد صقـارا قـدى طيـره ومـال
راح يطرد صيدتـه وقفـا ولا حولـه رجيـه
علموني كيف انا ماابكي على راعـي الـدلال
كيف ماابكي راعي اللبده اخو شيخـه يالبريـه
يالله انك ترحـم الـي مطعمـه دايـم حـلال
رطبٍ السانه بذكـرك دايمـا صبـح وعشيـه
الله يرحمه
ويسكنه فسيح جناته
وجزاك الله خير يامحسن وصح لسانك
والله لايشينك
اخوووووووووووووكـ
بندررررررررررررررررر