بسـم الله الرحمـن الرحـيـم
هذي قصيدة للشاعر سالم بن جلعان يقول:-
يالله يـا منشـي السحـاب المزابيـر
نو ٍ تراكم مع شعـى البـرق مطـار
تفرج لمـن حالـت عليـه المقاديـر
جسمـه بـدار وقلبـه معلـق بـدار
نعيش غربـه لا ولا فـي الأساطيـر
غربه وصارت والسبب ذنب ماصـار
حكم ٍ على بعض الوجيـه المسافيـر
مثبت ٍ فـي جبهـة الحاضـر بعـار
حكم ٍ مسمـر والكـذوب المساميـر
تبريـر رغبـات ٍ ولعبـات شطـار
رغبات عجزت لا تنـوش التباريـر
ولعبات تخلق من عدم كـل الاعـذار
ناتي الديار تقول كـن حـن مساييـر
هلها وصرنا للاسف خلف الاسـوار
ناتـي لهـا مثـل الجنـود المغاييـر
وجه السما من خلفنـا عـج وغبـار
ونـروح منهـا لاعنيـن المشاويـر
كن بعضنا يسحب على وجهه النـار
نمشي طريـق ٍ قاعهـا كالسواطيـر
حمر ٍ من دمينا مثـل ثـوب جـزار
ارواحنـا تقطـف سـداد لفواتـيـر
ظلم ٍ / مع سابق ترصـد واصـرار
لكـن نسيـر ومـا نهـم المخاسيـر
لعيون دار ٍ نفحهـا عطـر وأزهـار
ولعيون ومضـات النجـوم المناويـر
نتبـع سناهـا ونتعـلـق بالاسـتـار
ولنا بوقت اهـل ( .... ) والزنانيـر
صرنا مابين النـار يـا رب والغـار
وقت ٍ يسمونه بوقـت ( الهواميـر )
وحنا على بابك وستـرك يـا ستـار
نعوذ بك من وقـت طلعـه مواقيـر
بالهم .. والمـر المعتـق لـه ثمـار
لقايـح ايـامـه زنــا بالتعـازيـر
وولد الزنا يولد وهـو شيـخ بيطـار
وقت ٍ عليه الخزي عـز الطراطيـر
وما زاد ميـز بيـن عامـر وعمـار
فيـه الجبـان امسـى يعـد الدنانيـر
وهو من قبل لو بيع ما جا ب دينـار
اطلق شنب به مـن يـدق المزاميـر
واشجع شجاع اللي تمايل مع الـزار
خلا هل الوقفـات خلـف الطوابيـر
وفرخ الهلامه يقدم وفـي يـده طـار
وقت ٍ جحد مجـد السنيـن المدابيـر
والحق يظهر لو نوى الوقـت بانكـار
وقـت ٍ يجـور ولا يهـز المغاويـر
اللي لهم فـي القمـة النايفـه كـار
مسكين ياللي تحسـب انـا عصافيـر
وحنا صقور افعـال بالمـوت تجـار
صيدك طيور وحن نصيـد الصقاقيـر
ما ناخـذ الهابـي ولا نلحـق الفـار
حن يام ابن يصبا صقور المحاضيـر
وهمدان بن زيد الوفا / مزبن الجـار
اللـي لـو يحـز العظـم بالمناشيـر
ما خلت ( اخوان الصفا ) نهج الابرار
ما حن نسوق ان جا المصامد معاذير
الا شياطين سرجـت قـب الامهـار
قـوم ٍ وقايعهـا فعـول ٍ مشاهـيـر
في السلم حلم وفي الدرك وقع كفـار
ليصـاح صايحهـم توالـوا جماهيـر
لين الفجوج تضيق منهـم والاقطـار
من هو يضيق وله ربـوع ٍ مناعيـر
امثال ربعي يـام وافيـن الاشبـار ؟
الا مـن فـراق الوجيـه المحابيـر
بالطيب / منهم بين غربـات الاسفـار
وفـراق دار ٍ لـو غلاهـا محاذيـر
اجرمت حب وسرت ما اهم الاخطار
يا شمعدان الشهـد / عـذر الدبابيـر
من ذاق شهدك ما بغى غيـرك ديـار
قولي لمن يقرا الدجل فـي التقاريـر
الصدق لـه سقتـه تغلفـه الاشعـار
نجران سـد ٍ مـا تهـزه الاعاصيـر
ما هو بمأرب يـوم ينهـد مـن فـار
سـلام يـادار الــدلال المباهـيـر
سـلام يـا حـره وياديـرة احـرار
سـلام لـك ولناحريـن المغاتـيـر
مليون تسليمـه لهـم سـر واجهـار
وسـلام يـا دار الصبايـا الغناديـر
اللي من العفه لهـم ثـوب وخمـار
أشرف بنات الارض واطهر قواريـر
تشهد لهم سجداتهم وقـت الاسحـار
ويالله يا منشـي السحـاب المزابيـر
نو ٍ تراكم مع شعـى البـرق مطـار
تفرج لمـن حالـت عليـه المقاديـر
جسمـه بـدار وقلبـه معلـق بـدار