السلام عليكم ورحمة الله وبركاته ....مساكم الله بالخير جميع
هذه قصيدة للشاعر دشن بن حسن العرجاني رحمه الله في الإبل يقول فيها :
زين الحلال وزيّن الله زمانه=والزين في البل زّين الله خلوقها
قلبي يحب البل وكبدي تحبها=ومن لامني ماذاق لذة غبوقها
البل هواها واحدٍ مايهينها=يصلح عطايا الله ويظهر حقوقها
لا جات حزّة وردها فيحلبها=ولامن عطا منها مضت في مروقها
ويخوف ربه لا يغبّي زكاتها=أمانة الله خاسرٍ من يبوقها
مغرور ياللي غرك المال والولد=نفس الفتى لابد ربي يعوقها
إللي خلقها يكتب إللي يحبها=وطرادها متّرهيٍ في لحوقها
ياجب على المخلوق يفطن لدينه=لا تشغله دنياه لا حمي سوقها
دنياك لا زانت فسيّورها الفنا=هشامة في الثرى من عروقها
ياالله طلبتك طلبةٍ منصحٍ بها=وأسألك الجنة ودربٍ يلوقها
وتعاون أنفسنا على الدين والهدى=عند الخواتم طيب الله وفوقها
وسلامتكم