هلا اخوي راكان
هلا بك يانور الليالي
اول شي حابه اقولك اني اتعلم منك بعض الاشياء وهاذي تراها ماهي
مجاملة لأني عندي دفتر اكتب فيه اسماء اشخاص يتميزون بأشياء
ودي اكون مثلهم فيها .. وكاتبه اسمك واسم اخوي بأنكم تحاولون دائماً للأفضل ... يعني الاحظ انك نشيط ما شاء الله في كتابة المواضيع والتصوير
واحس انك تقرأ من بعض العلوم والمواقع ... واخوي كذلك مثلك .. اتمنى
اكون مثلكم في هذه الصفة .. وربنا يبارك فيكم .. وإلى الأمام يارب .
اول شي مااقول الا مشكوره يالغاليه وهذا من طيبك واتشرف اني اكون بالنسبه لك من الاشخاص الذين تتأثرين فيهم واتشرف ايضا اني اكون مع اخوك والله يبارك في عمرك على كلامك الطيب
ودي أسألك
اسئلي
وش هي اكثر المواد اللي تحب قراءتها ؟؟
المواد العامه وتجذبني بكثره خاصه هاليومين بالذات
تحب الجغرافيا ؟؟ الخرائط ؟؟ علم الفلك ؟؟
لا
احس انك مبدع وتحب تاخذ من كل بستان زهره ... ولاحظت انك تحب التصوير .
كلك ذووق طال عمرك واموت في التصوير خاصه اذا كنت في مكان حلو ولا عندي كاميرا اتحسر من القهر
تصدق..؟؟ انا عندي مهارات كثيرة لكن مشكلتي الكسل والتسويف والتأجيل ... ما اعرف الى متى ؟؟
اذا فيك كسل وقلتي بخاطرك ابخليها بعدين تذكري حكمة لاتؤجل عمل اليوم الى الغد 
والشي الثاني يقولون الحركه عدو التفكير والكسل كل ماشغلتي نفسك راح منك التفكير والكسل
متاضايقه من نفسي عشان كذا سويت لي دفتر صغير خاص اكتب فيه
اسماء اشخاص أتأثر بهم في حياتي .
وسعي صدرك ولا تفكرين وحلو يوم سويتي دفتر صغير بس حاولي تستغلين الطريقه بكل جديه
عندي في الدفتر اسم وحده انجزت تأثيث وصبغ وشراء وكل تنسيق بيتها
في يومين ... وهي من اعز صديقاتي ... احب طريقتها ... احب نشاطها .
شي طيب حاولي انك تكثقين الجلوس معها وحتى لوشفتيها تتحرك وتشتغل حاولي انك تشتغلين معها واجبري نفسك على الحركه
فاههمني يا راكان ؟؟؟
مايحتاج فاهمك ميه بالميه
المهم ... طولت عليك .. اتمنى يارب ان افيد ديني ووطني والناس .. ادعي لي يا راكان يروح الكسل عني .. واتمنى لك التوفيق ياااارب
وابد ماطولتي علي ولا شي والله يوفقك في كل عمل تنوين على انجازه وانصحك بكل صباح تشربين لك على الريق عصير برتقال وعليه عشر قطرات من زيت حبة البركه او عشر حبات من البركه
واشكرك على الاسئله وتشرفنا فيك