[الكـــايد]

الأخ العزيز أبو مبارك الله لا يهينك على هالموضوع اللي طرحت بالفعل شي مؤسف
انا ولله الحمد ما احتجت لوقفت نائب في موضوع معين بس الكلام اللي اسمعه من الربع وابناء عمي من قبيلة العجمان شي يبعث بالاكتئاب والحسرة .
للأسف انا أسمع ان منفعة العجمي يكون وراها حسبة انتخابية (أي كم صوت راح يجي من وراه )وهذا شي محزن ناهيك عن تكسر المجاديف ومقولة موضوعك صعب او وزيرك ما يمشي وغيرها من الجمل اللي يتحفنا فيها النواب الكرام .
والشي اللي يقهر ويزعل انك تشوف النائب يفز ويراكض أذا جاه واحد من قبيلة اخرى او شخص حضري (لأن هذا صوت جديد ومكسب بس ابناء العجمان سواء مشيته او لا راح تاخذه الحمية ويفزع وقت الانتخابات) وهذا صح .
اتمنى بالفعل ان الناخب ما ينسى ابناء عمومته لأن نفعته لهم ما فيها منه
ولجوء البعض لنواب آخرين من قبائل ثانية شي مخجل ولكن مجبر اخاك لا بطل .

ملاحظه : سمعت شي وضيق خاطري لما قالي واحد من الربع انه دش ديوان احد الاعضاء وكان العضو قاعد بصدر المجلس والشيبان والرجال يزحفون على الكراسي لين يوصل كل شخص للنائب يقول موضوعه ويقدم كتابه ويمشي .


وفي النهاية الله لا يحدكم ولا يحدنا على احد

الكـــــــايد