الشاعر الشيخ / مشاري بن سلطان بن ربيعان شيخ من شيوخ الروقه من عتيبه
/ ومن الفرسان المعروفين - وقد قال في القهوة :
مانيب هلباج على النوم نعاس = همه طعامه لين كرشه ملاها
ادرج الدنيا بالأفعال وقياس = نسعد عيون وعين نسحن دواها
لا ضاق صدري جبت نجر ومحماس = ودلال بيض غاليٍ مشتراها
قم سو فنجالٍ على خمسة اجناس = احذر تجي حرقة وبالك نياها
خلك لها عن كل عذروب حساس = قيٍس لها الطبخه على قد ماها
حتى يجي فنجال يجلي للاعماس = عقب الصلف والسهر ما أكبر غلاها
خصص مشاكيل على النار جلاس = حبوس الرجال اللي بعيد مداها
بدَوٍ به اللي للمعادين نطاس = مودع سمان الهجن يثلغ حفاها
والثاني اللي يثني الغضب بالراس = في ربعةٍ يشبع بها من نصاها
والثالث اللي يحتمي دون الأفراس = لا روحت خيل بخيل حماها
وباقي الملا لو تقهويه لا باس = هذارة المجلس قليل حلاها
لا نافع ربعه ولا حاش نوماس = ضباط مال ولا يذري ذراها