[فـارسـة قـطر]

أخوي الكريم بيض الله وجهك على الرد الطيب..

هذا اللي انا ابيه منك.. ومن باقي الشباب .. انكم تعترفون ان البلا والخوف

سببه هم الشباب مو البنات .. وانا مانكر ان في بنات" الله بالخير "

ولكن حرااااااااااااااااااام تظلمون البنات وحرام ان ينظر الشباب للبنت اللي تسوق

نظره دونيه .. كل هذا عشان ويش >>>>>> عشان البنت تسوق سياره..

ومثل ماتفضلت انت هذا فعلا اللي يصير في المملكه مو طبيعي من قبل الشباب..

والله شي يعور القلب ويقهرني .. البعض منهم يشوه صورة الباقي ..

على العموم / هذا اللي ابي اوصله لكم ووصل واقريتوا به .. ان العيب مو من البنت..

--------------

اما بخصوص ان الشباب يودون ويجيبون البنات ..إسمح لي اخوي

مهب كلهم.. يارجال في بلاوي تصير في البيوت ومحد درى من اهل البيت بها..

البنات قاموا يضطرون يطلعون بليموزينات من ورى اهاليهم عشان يقضون حوايجهم.. والله حرام وقهر..

والسبب محد فاضي لهم ولا بعد مانعينهم يروحون مع حد من ربعهم والا جماعتهم ..


وهذا التصرف راح يكون السبب الرئيسي بإن ردة فعل البنت راح تكون

عكسيه وبتتمرد وبتتجه للطريق الخطأ.

-----------------

أنا ادري ان في زمن الرسول عليه الصلاة والسلام

غالبية النساء يظهرون للمساعده وللتمريض .. ولكن المرأه كانت تركب الجمال والخيول .. ومن قال لك مايركبون..

وهذا ماتم تحريمه ولاشي..

وقالوا البنت تروح مع محرم صح والا لا .. يعني السايق محرم لها..؟؟؟!!!!!!

هي تسوق ابرك لها من السايق.. <<< ولكن مو بالسعوديه..

وذلك للظروف التي عندكم.


الله يجزاك خير وماقصرت.ياخوي علي العرام.


ارق التحايا

إختك
الفارسه