[فزاع]

من لا يعرف الجمر يوطى على النار=ومن يجهل سباع الفلا جاه ضاري
ومن لا يرى في حشمة الناس مقدار=يشرب من الذله ولا هو بداري
ولا يعتلي الرجال بالمال...وان صار=دامه عن علوم المواجيب خاري
ولا تعرف الرجال إلا في الأسفار=لا يخدعك وياه مشي الحواري
ياكم بلد من الغزر صاحبي شار=دنيا غزرها تيه من كان شاري
لو كل خيل تفوز في كل مضمار=كان الأصايل ما اشتراها المباري
دنيا لها من خلوة الناس الاسرار=وتعلم بما يخفيه قاعد وساري
ولي ما يداري عن طرف عرضه العار=لو يستره ثوبه مع الناس عاري
يصبح لسان الناس له ألف منشار=وحتى الجدر عن عيبته ماتداري
البيت لي يبنى بلا خانه وكار=اللوم ما ياتي عليها الأقداري
ومن لا يداري حشمة الاخ والجار =يخسر دمه ويخسر رفيق الجواري
ومن حدته نفسه على لعب القمار=مكسب حرام وآخر الكسب ناري
هذا الزمن لا تأمنه صار ما صار=خلك فطين وسايسه بالاحذاري
ترى الجهاله فيها ثلثين الاضرار=ولولا الجهل ما طاحت أعلى السواري

الشاعر عبيد بن سلطان الظاهري