].
شله بصوت / حسين بن سبعان الهاجري
في دليهي الدليهي الهاجري
رئيس مركز الهجانه الكويتي
قالوا لي : الطيب ؟ قلت : الطيب عنوانه..//.. عند الدليهي ليا كثرت دعاويها
أمشيد الطيب من ساسه وعمدانه..//.. لين اصبح الطيب من عالي لبانيها
والمرجله ورث أبوه وورث جدناه..// ..هذي العلوم اللي ودك صدق تقنيها
الطيب وياه كنه سابع أخوانه..//.. حالف دروب المراجل ما يخليها
تسمع بصيته قبل تاتي لديوانه..//.. وان جيت في حاجتك تامر ويقضيها
من فضل ربي ولي العرش سبحانه..//.. لا قال كلمه بحيل الله يوفيها
تقول غيمة وفا ويهل ودانه..//.. جمايلك يالدليهي وين اوديها
الطيب عنده نصع ويجيب نيشانه..//..يوم ان غيره رمى وأخلف هقاويها
بقول كلمه وهذي صدق وأمانه..//.. الناس كايد رضاها وأنت مرضيها
[/QUOTE]