ياصاحبي هاك موجز نشرة اخبـاري
خل التفاصيل تطويني وانا اطويهـا
وان كان لازم تعرف الحاصل الجاري
الله يعينك علـى النفـس وبلاويهـا
خليتني ياالغـلا والدمـع مـدراري
من وسط عيني سقت خدي عباريها
كني اسير(ن) عليه الحكم الاجبـاري
والنفس يمكن كثير الشوق ينهيهـا
وكثرت علي الملامه والهوى بـاري
حال (ن) افراقك معذبهـا ومشقيهـا
اجلس انابوحدتي والشوق تذكـاري
والهم وافي معي واحزانـي اشكيهـا
مالي ونيسٍ سوى الاقلام واشعـاري
اكتب واعيد القصايـد ثـم اغنيهـا
عند الغروب الهجوس تجيبني ساري
يمك ولاادري عن الرجل وخطاويهـا
اجلس معك في خيالي لين الاسحاري
واصبح على احزاني اللي دايمٍ فيهـا
ترى الصبر من رفيقك مل واحتاري
يبغى المواصل ولاحسّـب تواليهـا
وانته تعرف الذي بالقلب بـه داري
وعارف عن الحال واللي ساطيٍ فيها
هذي تراها حقيقه موجـز اخبـاري
والباقي ادهـى لكـن الله ايسويهـا
تصبحون على خير