السلاااااااااام عليكم
اليكم أول نزف من قلمي المتواضع
الجوف خيمة والضلوع أطنابه=والقلب جمرة نارها المشبوبة
والحزن نوخ بالوريد ركابه=حتى تمركى ينتظر ماجوبه
لابارك الله بالحزن وأسبابه=من يوم هب وتبتدي حروبه
وكشر لي الحظ الردي بانيابه=حتى عرفت اني لقيت صعوبة
يالله عسى ماهيب غير سحابة=ساعة تعدي ينفرج مكروبه
قل للزمن الدعوى ماهي نهابة=وإلا ماكانت خطوتي محسوبة
والدنيا ماتسوى جناح ذبابة=والله يجيرك ماتصير عقوبة
كلن يجود ياعرب مصلابه=قبل الجثث على الشجر مصلوبة
وترى الرجل كثر الخطا ماعابه=المشكلة اليا استمر بعيوبه
أقدر الطيب وأقول أهلابه=وإلا الردي قدره تحت زنوبة
واللي عرض لي لابسن نقابه=مدري علامي مسرعن لدروبه
لاشفتها تشر لي بالسبابة=أنسى أسمي كني أقرا التوبة
ولا شافها الرجال سال لعابه=وإن جيتها صابتني الغيبوبة
لو أغزي امريكا على دبابة=أهم شي ترضى بي الرعبوبة
وسلاااااااااااااامتكم