السلام عليكم ورحمه الله وبركاته
مساء الخير يابو عبدالله
وعليكم السلام ورحمة الله وبركاته ..ياهلا بك ياراعي الصقلاوية
السؤال الاول
ماهي اول قصيده غزليه كتبتها ؟ وماهو عنوانها؟وارجوا ذكر شئ منها ؟
أول قصيدة غزلية كتبتها .عنوانها ( دونك الحظ وقف ) طبعا سبقها محاولات بسيطة ..
وأقول في مطلعها :
دونك الحظ وقف ياحبيي وطاح =ماقوى الحظ صوبك يستحث المسير
وقلبي إللي هجرته ياكثير المزاح=ما ذكر غير بإسمك راجين فيك خير
ليت حبك جرحني ياحبيبي وراح =البلا إن طيف حبك في خيالي أسير
مايفارق ظنوني طيفك إللي أستراح=خلف حدب الضلوع ووسط نون النظير
السؤال الثاني
ماهي افضل قصيده غزليه قرأتها ؟ولأي شاعر؟
والله ياراعي الصقلاوية القصايد الغزلية إللي قريت وأعجبتني كثير ..بس فيه قصيدة للأمير خالد الفيصل أعجبتني كثير إللي يقول في مطعلها :
يا وش بقى بأعطيك مني ولا جاك =ماباقي إلا روحي أحيا بها لك
السؤال الثالث
نخرج من محيط الشعر مانوع السيارة التي تمتلكها ؟ ومالونها ولماذا اخترت هذا اللون؟وماهو الموديل؟ليش ياراعي الصقلاوية أنت ناوي تشتري سيارتي ..علشان تسأل كل هذه الأسئلة 
السؤال الرابع
مارأيك في فريق النصر؟ وهل هناك مقارنه بينه وبين الهلال؟
وين المقارنة الله يجيب المقارنة .......فريق يصارع الهبوط ومحروم من البطولات له أحدى عشر سنة وش جابه عند فريق محقق آخر خمس بطولات في السعودية وما خلا للنصر ولا لغير النصر اي بطولة يآخذها .. الفرق بين الهلال والنصر كالفرق بين الثريا والثرى
السؤال الخامس
هل انت من هواة المقانيص بالسلق ؟ ولماذا؟ومارأيك في اصحاب المقانيص بالسلق؟
لا والله ياراعي الصقلاوية مانيب من هواة القنص بالسلق .... ورأيي بِأصحابها أنها هواية مثلها مثل غيرها من الهوايات .. وللناس فيما يعشقون مذاهب ...سمعت إن فيه ناس يتولعون فيها مرة حتى سمعت إن فيه واحد مصدر ديوان كامل عن القنص بالسلق ..
(اللهم لاصعب الا جعلته سهلا انك تجعل الحزن ان شئت سهلا)
وبالتوفيق انشاء الله ولنا عوده انشاء الله
حياك الله ياراعي الصقلاوية في أي وقت