صباح الخير في البدايه احب اشكر اخوي بومسعود على استضافة بوعبدالله بموضوع وجهاً لوجه واحب ارحب باخوي بوعبدالله واقوله ياهلا بك ومنور الكرسي بقعدتك صبحك الله بالنور والسرور .. وياهلا وياغلا حياك الله أختي يوران ماراح اكثر عليك الاسئله بالعكس أخذي راحتك بالأسئلة . اخاف اذا كثرتها ربي يعاقبني ويعطيني الدكتور اسئله تشيب الراس أجل الله يحنن قلب الدكتور عليكم ويعطيكم أسئلة أسهل من أسئلة أولى إبتدائي استلم يالعرجاني ـ هل حاولت كتابة الشعر بالفصحى .. اذا كانت اجابتك بنعم فاذكر لنا ماكتبت واذا كانت اجابتك بلا فما المانع ؟ مالي محاولات تذكر في كتابة الفصحى ...لا يوجد سبب معين لعدم كتابتي بالفصحى .بس أنا أرى أن الشعر الشعبي هو إللي واصل للناس وهو المتابع عندهم سواء الشعراء أو الجمهور ـ هل تؤيد مقولة ( القصيدة طفل ..لا احد يعرف ـ حتى صاحبها ـ متى تُنظم .. او كيف سيكون مولدها ) ؟ بصراحة أؤيدها وبشدة بعد ....وصف دقيق للقصيدة ـ ماذا اعطاك الشعر .. وماذا اخذ منك ؟ في البداية أختي يوران ماأعتبر نفسي عطيت الشعر شي يذكر حتى أنتظر ماذا يعطيني الشعر ....فأنا مقل في كتابة القصايد ومقل في الإهتمام بالشعر ....عموما يكفيني من الشعر أنه ساعدني في التعرف على أعضاء وعضوات هذا المنتدى الطيب .. ـ ماذا تقول في الشاعر ياسر التويجري ؟ شاعر جيد ـ سؤال دايم احب اسأله لكل شاعر هل صحيح بأن لكل شاعر جو خاص له عند كتابته للشعر .. يعني يكتب بالليل على ضوء خافت او على ضوء شمعه او على انغام موسيقى هاديه .. هيك يعني يعني إلى حد ما هذه المقولة صحيحه ..بس فيه بعض المواقف التي تحصل للشاعر تولد عنده فكرة القصيدة أو القصيدة بكامله حتى لو كان الجو ماهو جوه ودرجة الحرارة تحت الصفر بعد ـ سؤال اخير .. ماذا تقول لكل من الشاعر الذي يبيع قصائده أنت تبيع جزء من أحساسك والذي يبيع جزء من أحساسه ماعنده مانع يبيع إحساسه كله .وقد ينتهي به الأمر إلى بيع فكره وقناعاته ..يعني يصبح فكر وإحساس تحت الطلب .. فأنتبه . الشاعر الذي يشتري القصائد وينشرها باسمه القصايد المشتراه هي شي غريب عليك وأنت غريب عليها ...يعني لا أنت تحس فيها وهي ماتحس فيك حتى لو ذيلت بإسمك ..ريح نفسك ووفر فلوسك . الشاعر المغرور إلى كل مغرور وليس الشاعر فقط : ( نهايتك إلى التراب فليش الغرور ) وانتهت الاسئله وتمنياتي لك بالتوفيق والنجاح << حفظتها من كثر مااقراها بورقة الاسئله ودمت بود اخوي محمد حياك الله يا يوران .. والله يوفقك ويوفق جميع أبنائنا الطلبة في أختباراتهم
التوقيع
for_you970@hotmail.com