اخي الفاضل سعـــــد بارك الله فيك كتابة مثل هذا المقال المؤثر حقيقه !!!!
وفعلا هذه كارثة ومن اكبر الكوارث التي يعيشها المجتمع السعودي..,ومثل ما انتوا عارفين انه المملكه مساحتها كبيره جدا جدا جدا وتوجد هناك العديد العديد من الطرق التى تكاد تكون خاليه من رجال الامن وبالتالي لما احد يتعرض لحادث ولا عطل في سيارته يجلس فوق الساعتين ينتظر المساعده !!!!
دعني اخبرك بمواقف انا شخصيا تعرضت لها في بعض طرق المملكه الخاليه !!!
الموقف الاول كان تقريبا قبل تسع سنوات لما كنت بالصف الاول المتوسط..كنا طالعين من الامارات الصبح بالسياره وماشين على الخط لين وصلنا محافظة حرض تونا ما دخلناها...
الا وحن نحس بان السياره فيها شئ غريب قام الوالد الله يحفظه ان شاء الله واسرع يبي يختبر السياره لانه كان ماشي 120 ثم يسرع 140 يقول بجرب واشوف الصوت الغريب ذا من وين ...شوي الا والسياره معاد قدر يتحكم فيها الوالد تروح يمين ويسار ..يمين ويسار ... والشارع الحمد لله كان فاضي ...
كود تريله مقبله علينا لانه خط واحد للرايح والجاي...لما شافنا راعي التريله مهوب قادرين انتحكم في السياره قام جنب وطلع من الخط خوفا من انه حن نصدمه وعلى ذا الحال تقريبا 3 دقايق وابي يحاول في السياره الا وهي تنقلب فينا مرتين ...واقسم لك بالله ساعتين كامله وحن بنتظار حد يسعفنا!!!!!
والبلا ان صاحب التريله مهوب يحكي عربي ... والكل كانوا في حاله اغماء عدا انا والوالد واختي الصغيره والخدامه .... شوي الا وسياره امن مقبله فيها اثنين ... ويقبلون علينا هاثمن يساعدونا ويتصلون بالاسعاف وعلى المغرب جاتنا سياره واحده...وواحد المواطنين السعوديين ما قصر الي اذكر انه عنزي كان على الخط ومعه سياره جيب ساعدنا وبشكل كبير مع رجال الامن !!!!
الموقف الثاني كان خلال ذا الصيف كنت انا واخي واثنين من افراد الاسره طالعين بسياره لحالنا من نجران ماشين للرياض..والسياره الثانيه ورانا الي هي تبعنا!!!!
واكيد انك عارف الطريق الي يطلع من نجران لين الرياض بلا خط واحد للرايح والجاي..المهم يومنا وصلنا تقريبا قبل الافلاج الا وذا الطريق الي يصلحون فيها قسم بالله اني قيد لهم اربع سنوات يصلحون فيها ولا اخلصوا ...وذا المكان دايما تصير فيه حوادث وحوادث قويه والله !!!!
اخي كان مسرع تقريبا 130 يمشي...قام واحد سعودي صاحب سياره هايلكس جاي ومسرع هو بعد وقام تجاوز تريله ..عاد حن لما شفنا انه مقبل علينا من الصوب الثاني وخلاص بيصفق فينا صفقه قويه...قام اخي تفاديا للموقف ذا نزل من الخط بسيارته والبلا انه مسرع ..لما نزل..شوي الا والسياره تقلبت فينا... وطبعا كالعاده جلسنا ساعه كامل ننتظر الاسعاف يشرفنا من الافلاج ..وبعد الشين اوصلوا !!!!
موقف ايضا صار معنا وحن ماشين للسعوديه الصيف ذا... كنا طالعين من الدمام رايحين للرياض وعلى الخط السريع لقينا سياره مكسيما متعطله وفيها شيبه وثلاث من عواله !!!!
وقفنا بجنبهم وننشدهم اذا هم يبون مساعده لانه حن كنا سيارتين ... وطلبوا منا نطلعهم لانهم كانوا مغرزين شكلهم طالعين من بر .. ثم نساعدهم ونطلعهم... يومنا خلصنا منهم...ابي ينشدهم من متى انتوا متعطلين هنيا ..قالوا من الساعه خمسه العصر لين سته ونص..مع ان السيارت رايحه جايه بس محد الي وقف لهم !!!
هم فكرونا من اهل الامارات لانه سياراتنا لوحه ابوظبي.. قال الشايب ونعم فيكم يا اهل دار زايد..اذا حن في بلادنا وبني عمنا ما ساعدونا تجون انتوا وتقدمون لنا ذا الخدمات الطيبه...ثم يقول يعني لا بني عمنا ولا الامن حقنا الي فزعوا لنا !!!!
يوم انه الوالد خذ معهم في الحكي...الا يقول له واحد من عوال الشايب ذا..انتوا من اهل الجنوب..قال ابي اي بالله ... حن من هل نجران ... قال اشهد اني عرفتك من حكاك... ثم ابي يضحك ويقول له ياولد ترى الدنيا مازالت بخير وهاه شف حن ذولا بني عمك ومن نفس البلاد الي انت منها وساعدناك ... الا والرجال محمق وجلس ايحكي يقول لا والله حن عندنا اخلاء فظيع في الشوراع ... وحن ذلحين لولاكم كان حن في الشين لانه شكل ابيهم مريض ومودينه للرياض !!!!
فــــــــــ صراحه الانسان يحس بألم شديد والله وهو يشوف دوله عظيمه مثل المملكه العربيه السعوديه مهيب قادره ترتب شوارعها ... وتوفر كل وسائل الامان للمواطنين لانه والله الكثير من الوفيات تصير بسبب التاخير الكبير الي يصير في توفير مثل الخدمات ذي!!!!
والله اني تفاعلت مع موضوعك يا سعد ... وتأثرت ببعض المواقف الي انت ذكرتها في الموضوع مثل المعلم الي توفي هو وزوجته..وايضا الاشخاص الي توفوا ..وكانوا خوياك هم الي شافوا الحادث!!!!
ياليت انه الحكومه السعوديه تتحرك وتبذل جهود اكبر واوسع لتحسين الطرق بشكل عام في المملكه لانه غير جيده وخاليه من الاضاءه ..وايضا توفير طائرات هلي كوبتر لمساعده المواطنين وغير المواطنين الي يتعرضون لعطل ولحوادث في الخطوط السريعه!!!!
كل الشكر والتقدير لك اخي الفاضل ومنك السمووووووووحه على ردي الطويل!!!!