ما اشوفه الا يوم يصبح من شذى النسمه طروب
كن البشاير بالفـرح جاتـه جمـوع مجمعـه
وكنه يتفلت من مكانـه كلمـا هـب الهبـوب
تفلـت الحـر القطامـي يـوم ذبـوا برقعـه
لولا ضلوعي ما تحده لنفلت من كـل صـوب
يمديه يفتك في قفص صدري ويمـدي يشلعـه
من ضيقة الواقع يـدور لـه طريقـه للهروب
اتوصله لدياره اللـي فـي مشاهدهـا السعـه
والبال تاتيه الطواري عكـس ساليـن القلـوب
ويهج قصر من الخيال وكـل بـاب ٍ يشرعـه
ويسرج من الذكرى ظهر منتوقة العنق اللعـوب
شقرا ً على قطع الـدروب الكايـدات مطبعـه
ترهي به الكحلا مع كـل المفـارق والـدروب
اللي تودي بـه لـدار ٍ ساكنـه بيـن اضلعـه
لـــ الشــاعر سالم اليامي