بسم الله الرحمن الرحيم
السلام عليكم ورحمة الله وبركاته
صباح/مساء
الخير عليكم جميعاً
قصيدة للشاعر الكويتي خالد العبدالله الوزان يمدح فيها
محمد البرجس ال سليمان
والقصيدة تقول
يا راكب الي جنها السولعاني=اللي تخزز وجبته ونتواها
يوم السباع من المذلة اتواني=شال الزعيمه والضواري حداها
اقفا بها مابين شعف وطماني=تزبنت ضلع خفى تقاها
حمرا تخلي نازح البعد داني=لي روحت دلو تصرم ارشاها
حمرا وبرها مثل لون العراني=والا كما وصف الادامي احذاها
حمر ترايبها كما الديدحاني=فج العضود ولا يوصف احلاها
حمرا جزوع للعصا ما تداني=نجابها ما هازها في عصاها
ومن الصطر في راسها زعرتاني=خطر تبت اخطامها من عياها
مربوعت الهامه كما القوس حاني=متروسة الفخذين ناب قراها
أمها احويطية وأبوها اعماني=الله يعديها اعيون احسداها
ماهي امعيد رددت بالسواني=ولا شدها الجمال خيب رجاها
حايل سدوس ولا جفاها الزماني=مرباعها الصمان ترعا خلاها
من فوقها غمر اضلوعه امتاني=دبوس ضلما مايثمن قفاها
ياخذ ويعطي وان ندبته شفاني=كل الدروب الكايدة كد وطاها
حط الصميل ومزهبه له اوزاني=كور وجاعد والدويرع زهاها
وعلى الغزالة شد صنع الأماني=صك الحزام وبندقك في خباها
مخفة ما ثقلت بالأواني=قطع الفيافي والمساري مناها
من دار أبو سالم عريب المجاني=تمشي صلاة الصبح تالي دجاها
واقصد بها يمة سهيل اليماني=ابشايت الله جان ربي وقاها
ونهار ثالث جعلك الله امعاني=تلفى على قوم يضلل ذراها
تلقى منازلهم جنوب اقصواني=دون البكر عنه شمال الياها
صبيان يام امخضبين السناني=قوم نها الكون تجعم اعداها
عجمان لي لزا الحقب بالبطاني=اخوان لجعو وان تلهب اصلاها
للضد سو وللرفاقة لياني=ألين من الديباج حزت ارضاها
وانشد عن الي منزله بالبياني=جحل يزم المرجلة في عراها
محمد البرجس زبون الحصاني=لي صاح صياح الضحى ما تفاها
ريف الضيوف وزبن من جاه عاني=نفسه على فعل المراجل قواها
راعي دلال متعبات ومعاني=ونار ينادي للهشالا سناها
خصه سلامي والتحية ضماني=رجل يعرف اللازمه ومعناها
عد النجوم وعد ما خفى وباني=وعد ما نسنس تسيم بهواها
سلام احلى من حليب السناني=شعف البكار الي احواره تلاها
والله لا وافد ولا قصد ثاني= لا شك نفسه معجبتني نباها
حبيت أبين من جميله قراني=وعللت ربعي في خصال حواها
يومك تقول ابهرجتك لا تعصاني=وافق وترزق شوفتك ما عصاها
يفداك من يقرى الضيوف اصقهاني=نذل يحسب البخب سبت غناها
بين الردا والطيب يالمودماني=الفرق ما بين السما عن وطاها
مانيب جحاد الفضل والحساني=اسوات من مرت عليه ونساها
وهذا جوابي يوم قاله لساني=ماني بدور في عوضها جزاها
وصلوا على المختار سر وعلاني=محمد المبعوث في منتهاها
من كتاب
