فنجال كيف يبري الراس صبه= اخير لك من دله عند رديان
وجلسه شرف مع صاحب لك تحبه= اخير لك من جلسه عند عدوان
ومنزال ذودك فالقفر وصت خبه=اخير لك من جمعت وسط بلدان
وللضو من بين المطاليق شبه=لاصار مافيهم منافق وخوان
وللفكر في بحر الهواجيس غبه=إلى بغا يبدع من الدر قيفان
وللنذل في فرقا المحبين سبه=كم فرق شعوب وكم فرق اخوان
لالك على مدحه ولالك بسبه=ولاهو بشغموم ولاهو بليهان
لكن لو ان الصبر مر اغتصبه=احسن من النمه معا فلان وفلان
باصبر ولو عد الصبر مانشرب به=ومن كثر ماجربت ربع وخلان
قلبي مريض وخوة القرم طبه=ماقبل على نفسي مهونه وحقران
والجهل غفوه والعقل لك منبه=والوقت سيف العمر ولسانك حصان
ووصل البنادم بين نفسه وربه =ابرك له إلى حط في بيض الأكفان
وسلامتك