[ستر العذارى]

0



0



مساء .. / صباح ... الخير




اليكم هذه الاشراقه ..






()



()






قالو حبيبك يسمع الشعر قلت ايه
يقـراه بعيوني .. قبـل تسمعونه

لولاه .. حتى طاري الشعر مابيه
بس اكتبه من شان خاطر عيونه

اكتب لغيره و القصايد تجي فيه
كن القصايد .. حالفه ما تخونه

هـذاك لا منه زعل قمت اراضيه
حتى و هو مخطي تعذرت دونه

يمكن لو انه يلمس الجرح بيديه
يستغرب ان اللي لمسها طعونه

ابطـى و هـو غايب وزلّت حراويه
وانا .. من العـام اتحرى مزونـه

هو ما درى اني في غيابه محاتيه
ليته نشد عن حالي اللي يجونه

وا قلبي اللي توه افلت عراويه
كيف انسرق وضلوع صدري حصونه

عجزت ارده .. كـن ماني براعيه
لين انتثر شوقه وهاضت شجونه

يبسن عروقه لكن اللي يعزيه
ان اكـثر العالم .. تردد لـحونه

خافو من الله لا تجيبون طاريه
لاصرت انا موجود لا تذكرونه




0




0



لـ الشاعر متعب التركي




()

()