السلام عليكم ورحمة الله وبركاته
اخواني اخواتي اعضاء وزوار هذه الصفحه
لا اجيد المقدمات واترككم مع هذه الابيات واتمنى ان ترتقي لذائقتكم:
يامنقض جروح قلبي لاتخليني= ترى عيوني سهيره والعرب نامت
قد قلت لك وانت ردك: (لاتوصيني)=وآمنت بقولك: (ترى حبي على الصامت)
انشهد اني اسيرك يا معنيني=يامتلف الروح كل الروح بك هامت
حبك بقلبي مظلل باجمل سنيني=تفيَا بظله عسى يفداك كل شامت
لي يوم وليله ويوم ما لاج في عيني=حلو الكرى صورتك بالكاش له سامت
دقيقة اغيابك عندي حساب ليليني=وعليك حساب الليالي كم لنا ضامت!!
خافي من الله ترى وصلك يداويني=وعلاجي شوفك والنفس لشوفتك حامت
انا غريقك ولا غيرك ينجيني=يا غبة(ن) بيننا وبين درها امعامت
واللي خلقني ورزقني واللي يحييني=من يوم عرفك ولا بنت(ن)معك قامت
ادعي من الله عسى ربي مايخليني =من صوتك ومن محبت(ن)معي دامت
غيرك يصوت ويقول وش بك ماتوحيني؟!! =مسامعي مادرى انها الصوتكم رامت؟!!
ياللي اهروجه عن هرج غيره يكفيني =انشهد ان نفسي الغير عرفكم صامت
وختامها لا تقول لا لا توصيني=طالبك طلبه علي لاتفرح الشامت
يامنقض جروح قلبي لاتخليني=ترى عيون صاحبك للحين مانامت!!
.
.
