اميل للعزله وابعد عـن النـاس
مابي عيون الناس تنظر لحالـي
قلبي من الاحزان تايه ومنحـاس
وعيني تهـل الدمـع ياعزتالـي
ماعدت اواطن عقب فرقاه جلاس
من حزني يالي ماعطاني مجالي
جو السعاده لي تبدل بالاتعـاس
من يوم عنـي ابعدتـك الليالـي
اصيح بسمك كل ماهب نسنـاس
لجت بريحك لي هبوب الشمالـي
وأذرف دموع الوجد وأقول لاباس
ومن القهر تصفق يميني شمالي
عزت علي فرقاك ياعدم الاجناس
ماني عقب فرقاك تايـه وسالـي
حبك بقلبي ماله حدود واقيـاس
حبك حياتي وشوفتك راس مالي